VOV4.M’nông – Măng nđaơ (19/6), Thành Đoàn Đà Nẵng tâm rgop đah Câu Lạc bộ Tsubasa (Hội Liên hiệp druh ndăm nkual ƀon têh) ƀư “Lễ hội tâm nđŭr văn hoá Việt-Nhật, Tsubasa Matssuri 2022” wăch rgum bơi 700 druh ndăm, sinh viên ta ăp ngih sam ƀŭt cao đẳng n’hanh đại học ta nkual ƀon têh râng. Aơ lah nău ƀư nkah gĭt 50 năm ndâk njêng tâm boh tâm rnglăp Việt Nam-Nhật Bản.

Lễ hội tâm đŭr văn hóa Việt-Nhật lĕ ƀư uĕh ntŭk ntô văn hóa bah Nhật Bản, mpla nsơ n’hanh ƀư ntŭk ntô trà đạo Nhật Bản, nghệ thuật klôn n’h rđaih Origami, nkual mpla nsơ rup Nhật Bản, mpla nsơ kho ao way ơm Việt-Nhật, ăp nău pâl way ơm n’hanh tâm rlong njroh mprơ đah ăp ntŭk. Thành Đoàn Đà Nẵng an gĭt: Tă bah nău ƀư aơ kơl ăp băl mon gĭt wât tay mpeh nău uĕh văn hóa Nhật Bản, geh ntŭk nti nsơm nău ngơi, bah nĕ jêng ntung nthoi đah Nhật Bản n’hanh Việt Nam.

Nuĭh rblang: Y Sưng Phê Ja