Nar 20/7, Rwăch n’glêh dŭt giải Vô địch chưng play bu ur lam ntŭr neh na nê̆ ntơm ƀư ta New Zealand. Tâm 6h30 kêng măng tĭng mông ta ntŭk, Ntơm ƀư Rwăch n’glêh dŭt giải Vô địch chưng play bu ur lam ntŭr neh (FIFA World Cup Bu urr 2023) ƀư ta tach chưng play Eden Park ta nkual ƀon têh Aukland, New Zealand. Nău lư bah ntơm ƀư lah nău mprơ tâm ơh bah nhạc sĩ nuĭh Australia n’hanh nghệ sĩ nuĭh New Zealand đah nău mprơ “Do It Again”-nău mprơ na nê̆ bah World Cu bu ur năm 2023.

Jêh ntơm ƀư nklăp 30 mnĭt, ƀư tâm rlong bôk năp đah rmôt bu ur chưng play New Zealand mâp rmôt bu ur chưng play Na-uy. Mô knŭng êng New Zealand, Australia lah ndrel ƀư bah giải năm aơ. FIFA Worl Cup Bu ur năm 2023 mbra geh 64 rơh tâm rlong, ƀư ta 9 nkual ƀon têh ta New Zealand n’hanh Australia. Năm aơ lah rơh bôk năp giải tâm rlong geh âk rmôt tât râng ngăn lah 32 rmôt đah 8 rmôt chưng bu ur rơh bôk năp dơi râng tâm nĕ geh Haiti, Morocco, Panâm, Philippine, Bồ Đào Nha, Cộng hòa Ireland, Zambia n’hanh Việt Nam.