VOV4.M’nông – UBND nkual ƀon têh HCM mhe geh sam ƀŭt ndal njuăl N’gâng kan dak si mbơh mpeh nău rwăt, nglăp rwăt vaccine njrăng n’gang Covid-19 bah nkual ƀon têh, na nê̆ nău rwăt 5 rkeh dĭng vaccine Moderna. Tĭng nĕ, UBND nkual ƀon têh HCM dăn đă N’gâng kan dak si an kan ndrel ngih dak đah ƀon lan, ƀư sŏk prăk chuh vaccine. Đah nău ngăch tâm nchră n’hanh rwăt vaccine Moderna, jêh dơi geh nău ŭch bah Groi Thủ tướng Vũ Đức Đam tâm nar 15/6/2021 mpeh nău rwăt n’hanh nglăp rwăt vaccine; UBND nkual ƀon têh HCM lĕ jao an Sapharco ƀư nău kan tâm nchră, tâm bônh, ký ton rwăt vaccine njrăng, n’gang srê Covid-19 ta nkual. Tĭng nkô̆ nău nĕ, Công ty Sapharco lĕ ký sam ƀŭt nkô̆ nău tâm ton bôk năp an nău pă vaccine njrăng n’gang Covid-19 Moderna. Tât aƀaơ, Công ty Sapharco dôl kâp Ntoh măt Moderna njuăl sam ƀŭt nchrăp tâm ton gay rwăt 5 rkeh dĭng vaccine Moderna. Gay đăp mpăn nău gĭt vaccine n’hanh n’hao dơi mât tơm prăk bah kon nuĭh, UBND nkual ƀon têh HCM dăn đă N’gâng kan dak si an geh nău ntrŭnh an nê̆ an Công ty VinaCapital ƀư kan ndrel nsum-êng, ƀư sŏk prăk chuh vaccine tĭng trong ƀư “rwăt 5 dĭng vaccine mbra an kon nuĭh du dĭng”.

Nuĭh rblang: Y Sưng Phê Ja