VOV4.M’nông – “Nkual ƀon têh Hồ Chí Minh mhe an ƀư dŭt n’hâm ăp trong njrăng n’gang srê, nău êng nkual ƀon têh an n’hao nkoch trêng, rgŏ jă nuĭh ƀon lan tâm pă jêr jŏt tâm kơl ndrel tâm trong kan njrăng n’gang srê”. Aơ lah nău đă bah Groi Thủ tướng Vũ Đức Đam, Kruanh ban ntĭm rđău ngih dak njrăng, n’gang srê Covid-19 ta rơh rƀŭn pơk sŏng dăng đah kruanh ăp nkual ƀon têh Hồ Chí Minh kêng măng 14/7 ta Ngih Chính phủ. Tât rnôk aƀaơ, nkual ƀon têh lĕ ntop kơl rlău 130 rbăn nuĭh pah kan dah rŏng, đah nklăp 9 rbăn nuĭh tăch vé số, geh 57% trong nchrăp, geh quận nkuăl geh 90% ntop kơl an ăp nău rêh jêr jŏt, nuĭh tăch tơr ta ntŭk. Groi Thủ tướng lah Nkual ƀon têh mât uănh tât ăp nuĭh geh nău rêh jêr jŏt, ngăn lah ăp nkual, rkum ƀon lan rgum âk nuĭh ach o jêh nar tâm nkhah bah dih ntop kơl đah ndoh ndơ, ndơ sông sa, ndơ dŏng ri kônh wa dŭt ŭch kơl đah nău rêh văn hóa, nuih n’hâm gay n’hŭch oi nău jăch tâm nar nkhah êng.

Nuĭh rblang: Y Sưng Phê Ja