Bar hê ur sai phung ri nơh, tâm gu\ ho\ bah jo\ jêh, ngih vâl ko\ têh ndro\ng ngăn, yơn lah mô blau geh kon. Le\ bar hê ur sai khân păng ôp brah, lah yang, ton ăp ntil tâm bar pe jêt năm ri mư di\ng geh du hê kon bu klô. Kon se nê, mhe knu\ng luh tă ndul me ma mbung ho\ chăt sêk jêh, mô hôm kâp pu toh me ơm, tâm du tơ\ ri sông du glah piăng n’gon pe [uăt phe ngăn. Tat lôch du năm, păng ho\ têh, prêh ngăn mô geh nu\ih ban, n’hanh tâm du tơ\ sông piăng ri păng sông tât pơh glah piăng ri mơ di\ng hơm. Me mbơ\ păng ntôn kon păng lah kon chiak ri di\ng tâm nchră, joi trong gay ma nkhit lơi kon păng. Nar ri nơh, Mbơ\ păng hăn tâm bri, ndjôt ngăn du mlâm ndroh. Saơ ngăn du mlâm lu\ têh, ri mbơ\ păng lah ma păng: May sâm yơk ngăn lu\ aơ si\t ta ngih ân me may n’gân , geh ntu\k ma rao jâng kon ho\. Kon se ntôn ngăn, dâk dăch lu\, jêh ri u\ch yơk si\t. Saơ kơt nê, mbơ\ păng so\k ngăn ndroh, nklơ\ ngăn lu\ nê, ân ntu\n ngăn tâm kon se. Ntôn lah ho\ jêh nau kan, ri mbơ\ păng hăn si\t. Hôm I kon păng, ntôn lah Me păng u\ch ngăn ma lu\ nê ri di\ng yơk leo nsi\t ngăn. Tât kêng măng nê nơh, phung bar hê ur sai dôl gu\ sông piăng, tâm nkoch bri, ri saơ ngăn kon păng yơk ngăn lu\ nê nsit, păng klu\p tâm êp ntu dak, jêh ri nduih ngăn Bơ\ păng:

Hô ngăn jâk lu\ aơ, ri ma may mô u\ch kơl gâp yơk nơh mbơ\ mê. Păng ntu\n gâp lăp jru ngăn tâm neh, gâp kuai ngăn neh ri mơ di\ng dơi si\t ta aơ. Me, mbơ\ păng saơ kơt ri ri klach rvê ngăn, mô hôm lăp sông ôh. Yơn tât mằng nar nê, bar hê ur sai khân păng lo\ nchră joi trong gay ma nkhi\t tay kon păng đo\ng. Tât ôi nar ba kơi, Mbơ\ păng lo\ tui ngăn sung, jă kon păng hăn tâm bri. Saơ ngăn du mlâm tơm si têh nklăp rlau bar nu\ih ut mô le\, Mbơ\ păng kăl ngăn tơm si nê ntơm bah ôi tât kêng măng. Rnok tơm si nê bơi ma chôt ri mbơ\ păng kuăl ngăn kon păng tât n’hanh lah:

May ân săng nglik may êp tơm si nê kon hơi, tui nsi\t ân gâp ma nkra kđar. Kon se ntôn lah ngăn, dâk êp tơm si. Rnôk nê tơm si chôt ndal du tong, kon se nê geh tơm si dê ntu\n tâm nâm nê hêng. Mbơ\ păng ngăch ndjôt sung hăn si\t ta ngih, I ur păng kâp lor jêh ta ngih, kâp sai păng si\t sông. Sông ê jêh ơm, ho\ tăng jêh kon păng kuăl ba năp ngih: Pơk mpông ân gâp [ă bơ\, moh lah may si\t mô u\ch kâp gâp [ă. Saơ kơt nê, ur sai khân păng tâm ntôn, tâm lah ngăn rnôk mô saơ khi\t kon khân păng. Kon se nê dâk ba năp ngih, tăng nau me mbơ\ păng tâm ngơi rnôk nê mư păng gi\t lah me mbơ\ păng mô u\ch ma păng, u\ch nkhi\t lơi păng. Păng mi\n êng, lah gu\ ta ngih mro ri nklăp lah mra geh nau mô ueh ngăn, ri di\ng păng ân tơm si ba năp ngih, jêh ri păng nơm hăn du. Tâm [on nê păng mô mơng du hê, hăn lêng hăn lang so\ng trong lo\ ba năp măt. Rnôk nê bri prăng, ho\ tât yan tăm lo\ ma mo geh mih. Ăp nu\ih hăn tât dak me gay ma rchăng dak gay n’hoch nsi\t tât lo\. Păng tât ngăn ta nê, saơ ngăn tâm nê geh bar hê bu klô dăng ngăn. Du hê dâk n’gih ngăn tơm si gay ma bât, I nu\ih tal bar di ma pâng n’gâng. Păng nê geh bar đah ty dăng ngăn. Ăp tơm si geh nu\ih ri n’gih klu\p tâm neh ri păng dônh ngăch n’hanh pâng ngăch ngăn. Păng pâng du tong, tơm si lăp jru tâm neh nklăp bar n’am ty. Kon se nê u\ch tâm bên ma bar hê bu klô nê, yơn ê gi\t trong bên. Saơ ngăn du hê ma pâng mâng, ri păng u\ch rlong, nhâp ngăn tâm dak, hăn taat ta nê, păng ndjôt tơm si ân bu klô ri pâng. Tơm si lăp tâm neh, ri [eng mô hôm dơi. Bu klô geh ty dăng pâng dah du\t ko\ mô dơi, ri păng ji nuih ngăn, nhâp ngăn tâm dak, rlong uănh moh nau tâm nê, ri ăpng geh kuăn ngăn mpang ty kon se nê, têk hao klơ kơh, ji nuih lah:

Gâp gay pâng ngăn tơm si aơ gay ma bât dak, jêh ri mơ di\ng geh piăng sông, nê ma may [ư ndjơh lơi kan gâp. Bu klô n’gih si rnok nê hăn tât ta ntu\k nu\ih pâng, lah: Gâp gay n’gih lôch prăm bôk ndeh mư di\ng geh bu nkhôm du glah piăng pe [uăt phe, nê ma may mô ân păng pâng, ndri mbu ma hôm jă hên kan đo\ng mih? Le\ pe nu\ih phung nê nchrăp lơh ngăn, saơ kơt ne, ri kon se nê n’gang lơi. Dôl ma ji nuih, bu klô n’gih tơm si n’hanh nu\ih pâng mâng u\ch lơh n’ăp kon se. Ri kon se nê lah:

Gâp hôm jê \, khân may ho\ têh, lah tâm lơh ri dơi khân may dơm. Yơn lah khân may djăt gâp lah [ât. Khân păng lah khân may hăn pah kan aơ gay ma joi ndơ sa. Gâp ri ge me, mbơ\ yơn lah khân ăpng klach gâp sa le\ drăp ndơ ri khân păng u\ch nkhi\t lơi gâp. Ndri he aơ ach o da dê, moh mô tâm yu\, tâm ro\ng ma hôm tâm lơh? Nô geh mpang ty têh, mo [ư mô ân nô aơ pâng. Nô geh mpang ty têh lah:

Bar đah ty gâp dăng tâm ban ma rhiăng mlâm loih. Gâp ho\ [ư njêng âk ngăn lo\, ma phung sâm geh bu so\k in lơi le\ jêh. Ntu\k gâp nkra lo\ ri khân păng lah neh khaâ păng da dê. Ji nuih ir, gâp [ư ndơh lơi dak bât aơ ân lo\ khân păng mô geh dak lăp. Tăng ngăn păng aơ lah kơt nê, ri bar hê phung ri mô hôm ji nuih tay ôh, kon se lo\ lah:

Di\ng le\ phung he aơ mô geh lo\, mô to\ng piăng sông, geh bu ndjơh, ndri hhe lơi di\ng hôm tâm lah tâm janh ôh, he sâm tâm njêng oh nô gay ma hăn joi ntu\k joi sa. Le\ pe nu\ih ri tăng lah kơt nê u\ch đo\ng, tâm njêng oh nô. Khân păng tâm moh tay săk gay ma nơih kuăl, n’hanh tâm rlong ntă dê nu\ih dăng ngăn gay ma leo bôk. Kon se nê gu\ ngăn tâm nê, đă phung 3 nu\ih n’gân ngăn lu\ klơ săng ‘glik păng, di\ng le\ 10 mlâm lu\ têh tâm ban ma bong sur. Kon se dâk rđưp, nchuăt lôch 10 tơ\ tâm lam lo\ têh. Phung nê soă kơt nê ri lah kon se nê dăng ngăn, lo\ geh nau ngơi blau, đă păng dâk bôk. I nô n’gih tơm si dâk tal bar, nô pâng mâng dâk tal 3 hôm I nô geh ty dăng ri dâk tal puăn.

Nhạc

Ntơm bah nê, khân păng hăn ti\ng rlơ\ trong dak hoch gay ma hăn tât ta tu dak, joi neh gay ma tuch tăm. Hăn n’gul nar, saơ ngăn geh dak hoch lăp tâm lo\, tâm ban ma geh 7 nu\ih nsach du tơ\, phung 4 nu\ih mô gi\t mhâm geh kơty nê, ri hăn uănh. Saơ ngăn tâm nê geh du hê bu nu\ih ku\nh, jêh ri ngêt ngăn dak tâm mbung, bruh ngăn tâm lo\ dôl mo to\ng dak nê.  Kon se nê tât ôp: Lo\ bar đah dak aơ lah lo\ may da dê nô? Tât yan rek ba nklăp lah ngih may rmeh ngăn ba sông?

Nu\ih nê ơh: Gâp aơ gay bruh ngăn dak ân bêng lo\ aơ, ri mư geh nu\ih tơm lo\ ân bu r’I piăng. Piăng bu ân ta ri hôm. Jêh nê păng lo\ ôp 4 nu\ih nê:

Ndri khân may ntu\k so\k piăng gay ma sông di\ng hăn păl lă lêng ngăn nê? Le\ 4 nu\ih ne lo\ nkoch ngăn nau jêr jo\t n’hnah nau kan bah nơm u\ch. Ri bu klô bruh dak lo\ hao klơ kơh:

Ndri khân may ân gâp [ă hăn ti\ng, gâp ko\ jêr jo\t kơt khân may đo\ng. Jêh ri nu\ih rhôp dak hăn ti\ng. Tât kêng măng 5 nu\ih khân păng gu\ rlu tâm nâm tơm si. Lo\ saơ du hê bu klô tât ngăn ta ntu\k geh bar tơm si têh, jêh ri bar đah ty rôk ngăn bar tơm si nê, tui n’ăp ma tơm si, ma reh ri si\t . 5 nu\ih khân păng uănh, ăp nu\ih saơ ndrât da dê, ri kon se nê dâk rđưp, tât ôp:

Moh nau mô ru di\ng may mô koh lơi n’ging, koh lơi reh gay ma tui ân n’gơch oi nê nô? Tăng nu\ih ôp, bu klô rôk tơm si nê lah: Bar mlâm tơm si aơ gâp knu\ng rgâl geh n’gul sah ba dơm, ri moh nau ma koh ngăn n’ging, reh ân rgănh săk. Tăng kơt nê, yơk lu\ lo\ lah:

May geh bu rlăm hôm nô mê. May tui n’ăp ma n’ging ma tơm si jâk săk may, ma bu hôm so\k n’gi\ng gay [ư loong su\nh đo\ng.

May nê hôm jê \ ma git nau rlau ma gâp. Rnôk ê mâp khân may ri gâp mô gi\t ôh lah gâp geh bu rlăm..

Phung hên aơ ach o, ko\ geh bu rlăm kơt may đo\ng, ri di\ng tâm jă hăn joi ntu\k gay ma joi sa êng, lah may u\ch ngăn ri hăn ndrel hên.

Moh mô hăn, gâp hăn đo\ng. Khân may ho\ mbơh ân gâp gi\t lah gâp geh bu rlăm, năl lah khân may mô rlăm gâp ôh. Ntu\k khân may hăn, ân gâp hăn [ă.

Jêh nê 6 nu\ih khân păng lo\ hăn, tât măng ba kơi, le\ 6 nu\ih khân păng ndrel pe\ n’ha si gay ma lăk bi\ch tâm nâm tâm si tâm bri. Tât ôi ơm, saơ ngăn bu hê tui ngăn tak gay ma jăng ngăn jil. Mpôl jil nê geh 10 mlâl, ko\ geh bu klô nê jăng khi\t da dê. Le\ 6 nu\ih khân păng nchuăt ti\ng uănh, kon se yơk lu\ tât ôp:

Tâm du tơ\ jăng may geh 10 mlâm jil, nklăp lah may sâm geh ngăn nô mih?.

Rveh gâp jăng ko\ khi\t đo\ng, moh lah knu\ng jil ri? Yơn lah mhâm dơi sa puăch rgâl ma piăng. Du mlâm jil bu knu\ng rgâl ân gâp du sa ba dơm. Du mlâm rveh geh la ri knu\ng rgâl du mlâm ao sat dơm. Ma rveh, jil, jun ri mô di lah ăp nar ko\ geh ôh. Phung tơm bri nê janh ngăn. Gâp geh nhu\p mpa ri khân păng đă rgâl nơih ân khân păng. Bu ndăm yơk lu\ nkoch nau jêr jo\t ân bu klô nchuăt ngăch nê djăt. Bu klô n’gih si ko\ lah:

Gâp aơ kơt may đo\ng, ăp nar rôk 4 tơm si, ma rgâl to\ng phye sa, gâp mâp mpôl aơ naơ nơh mê. Khân păng lah nu\ih ach o, ma gi\t nau. Gâp bi\ch ma khân păng du măng jêh, gâp gi\t khân păng ueh ngăn. May sâm hăn ti\ng hên koh. Bu klô nchuăt ngăch mô kâp mi\n, hăn ti\ng phung nê nkre. Rnôk nê, tâm phung khân păng geh 7 nu\ih hôm. Le\ 7 oh nô khân păng su\nh u\nh, gu\ch puăch sa tât hơm jeh ri hăn mpeh măt nar nhâp. Ta klơ yôk ri geh ngăn neh hvi ngăn, tâm ban dah măt dak. Ta nê ntơm nơm nơh geh [l rêh âk ngăn. Yơn kon chiak klơ yôk ne vay nhu\p nu\ih, nhu\p n’ăp ma rpu, ndrôk, sur, be. Jêh ri chiak nê hôm blau njêng jêng têh đo\ng, mô lah [ư kon jê \ săk. Păng groh dah nglaih dah. Lah geh nhu\p bu klô, bu ur păng sa puăch, bu ủ hôm druh ueh ri păng [ư ur. [on lan klach ir ri di\ng hăn du lă lêng ăp ntu\k. Phung 7 nu\ih saơ ngih vâl lơi êng, glah, yăng dah ma ân. Rui 7 nu\ih khân păng ăhn dônh ngăn chu\k, yeh gay nkra tay ngih guư, jêh ri hăn tuch tăm. Neh mhe, ngih vâl tâm [ah, mô geh nau tâm in, tâm pit. Ba khân păng jêng, rpu\ng rpuăr luh play. Phung [l tă hăn du, bu soă khân păng ri bu lo\ plơ\ si\t tay. Chiak dê saơ [l lo\ âk nâm ơm, ri lo\ hăn tât. Păng njêng jêng du mlâm mpa săk păng geh 3 mlâm bôk, 6 mlâm ty, 10 mlâm măt, săk kơt u\nh buh, măt têh tâm ban mbun rhe, rlu\ng dah nglaih. [on lan saơ kơt nê klach ngăn, nchuăt ngih 7 oh nô. Kon chiak ntôn kơt ntơm nơh đo\ng ri di\ng hăn nchuăt ti\ng gay ma nhu\p bu nu\ih. 7 nu\ih oh nô khân păng luh ba dih, kon chiak nchuăt lăp ri geh bu klô pâng n’gâng dê tur ngăn ta bôk du tong. Geh bu lơh tâm ban ma rhiăng mâng li\k khôn pâng tâm bôk, kon chiak dê der ntu\k êng. Bu klô n’gih si nhu\p ngăn ty chiak gay ma n’gih, rnôk nê ty kon chiak deh lă lêng. Bu klô yơk lu\ lo\ yơk ngăn du mlâm lu\ têh klu\p ngăn ta kơi chiak. Kon chiak njêng ngăn n’ar jêh ri mpăr du. Bu klô nchuăt ngăch ho\ so\k ngăn mâng gay ma jăng ngăn ti\ng, maang nê geh ngăn tâm nklag mbung chiak. Păng rlung du tong, jêh ri krap tâm trôm yôk. Geh bu lơh ji, chiak nê ji nuih ngăn đah phung 7 oh nô. Păng mpăr prêh, njêng ngăn u\nh, bruh ngăn tâm dâng gay ma su ngih vâl. U\nh hit prêh, n’huk hô ngăn, rnôk nê bu klô rhôp dak hăn rhop dak gay bruh ngăn tâm u\nh. Bu klô geh ty dăng dah loih ri chuah ngăn neh gay ma brôi. Bu klô rôk tơm si ri rôk si gay ma mpuh khi\t u\nh. Kon chiak njêng ngăn unh gay [ư khuch tơm tăm. Phung 7 oh nô ji nuih ngăn, tâm jă joi ntu\k chịa gu\ gay ma nkhi\t.

Le\ 7 oh nô khân păng hăn joi lam bri, mô mâp ôh chiak, yơn saơ trong păng hăn. 7 nu\ih oh nô hoai rse si gay ma kăt ngăn tâm trong păng hăn. 3 nu\ih dâk bu đah, hôm du hê ri dâk kâp mbơh nau. Tât măng, ang khay, kon chiak tă tâm trôm lu\ da luh. Gah tom ngăn tâm rse si chôt hêng. Le\ 7 nu\ih nchuăt tât, kon chiak kuih neh lăp tâm nâm. Bu klô geh ty dăng dah loih kuai ti\ng, du tong kuai tâm ban 10 mbăk neh ngăn. Kon chiak nê ko\ dăng ngăn đo\ng, bu klô ri lơn kuai păng lơn ma jur jru. Bu klô rhôp dak dê rhôp ngăn dak bruh ngăn tâm nê, Dak ngai ir ri mô năn [ư chiak bu\k ri ho\ lăp tâm neh jêh. Bu klô nchuăt ngăch bă ngăn bu klô rhop dak hăn rhôp ân ngẵch, ri knu\ng du ôi, dak ho\ bêng ntu, kon chiak rnôk nê hao   klơ. 7 nu\ih oh nô khân păng tât lơh, soă âk ir nu\ih lơh mô năn ma kon chiak lo\ dơi du klaih đo\ng, jâng chiak deh du đah jêh ma hôm nchuăt ngẵch ơm. Yơn lah bu klô nchuăt ngăch ri nchuăt ti\ng ban jâng păng, chiak mô năn njêng năr, knu\ng nchuăt đah jâng deh du đah dơm si\t krap. Tâm trôm ntu\k păng krap nê geh ngăn trong, trôm êng êng,. Bu klô nchuăt ngăch si\t kuăl tay 6 nu\ih oh nô păng, kân păg lơh ngăn trôm chiak. Trôm nê prêh dah yôk, trong hăn âk, phung 7 nu\ih oh nô kuih lă lêng ngăn: Tâm trôm ntu nê [ô ôm ngăn. Hăn du nhoat saơ âk mpưm nting bu nu\ih, nting ơm, nting mhe, âk ngăn. Tâm trôm ngăn ri geh nu\ih hôm rêh, gu\ tâm êp bu nu\ih le\ khi\t ôm. 7 nu\ih bu ndăm leo ngăn nu\ih hôm rih da luh du mlât ri lo\ tăng nu\ih êng nhi\m ntu\k trong êng đo\ng, ma mô saơ trong hăn ôh. Khân păng do\ng n’hâm nklơ\ ngăn lu\, lăp tât ta nê, tâm trôm nê khân păng saơ 21 nu\ih bu ur gu\ nhi\m, kon chiak dê ho\ săch phung bu ur druh ueh nê gay ma [ư ur. Tâm rôk hăn luh ba dih, kon chiak dê nchăng đah lu\. Phung 7 nu\ih kơl luh jêh bu nu\ih ma mô saơ ơm chiak, khân păng joi mro ri mư saơ chiak krap tâm trôm lu\. Lu\ nê jăp ngăn, chiak lăp jru tâm trôm, ty păng kuăn krêp tâm trôm lu\ dak nglonh, mbung păng mbu\k tâm trôm du\ng nglar ân ba năp play nuih.Du\ng nglar nê mo hôm tam ntơm rnok păng geh tom ngăn ta rse prah ngăn klơ yôk ri nơh ơm, ri di\ng păng u\ch njêng ma mô dơi. Yơn n’hâm chiak hôm dăng ngăn, 7 nu\ih bu ndăm geh kuăn ngăn jâng păng ma mô dơi têh luh ơm, rnôk nê le\ 7 nu\ih khân păng tâm rlong nau dăng ri mư dơi. Dăch du\t, kon chiak khi\t, 7 nuih oh no khân păng gu\ch su lơi săk păng, jêh ri leo ăp nu\i hôm rêh nê hăn si\t tay tâm [on.

Kon chiak bri geh nkhi\t, mô jo\ ma nê ri ăp nu\ih dôl gu\ krap nde hăn si\t [on lan, ngih vâl nơm da dê. [on mô geh nu\ih du hê kăl e nơh a[aơ ho\ âk mpu\m nu\ih, m’ak kơt ơm. Ba lo\ chăt tâm lo\, bu\m lo\ jêng n’ir, rpu, be bêng ndrung bêng n’gar. Nkah gi\t nau kơl an bah pơh nu\ih bu ndăm, le\ 21 bu ur druh ueh geh chiak bri dê nhu\p ho\ gu\ pơh oh nô khân păng jêng ur sai. Pơh nu\ih khân păng geh kon geh sau bêng ngih ma mô hôm geh nau bu rlăm kơt ntơm nơh tay ôh./.