VOV4.M’nông: N'gâng kan thủ đô Moscow, Nga mhe đă ăp jay ngêt sa dơn an lăp ăp nuĭh hŏ tă chuh vaccine njrăng n'gang nuh srê Covid-19 mô lah hŏ dăng chŏl nuh srê lôch rnôk ntưp dơm. Nuĭh ƀon lan ŭch hăn tât quán cà phê, jay ngêt sa ân đăp mpăn khân păng hŏ tă geh chuh vaccine, tă ntưp nuh srê Covid-19 tâm 6 khay aơ mô lah hŏ lôch uănh năl mham nuh srê Covid-19 dŭt đêt 3 nar bah năp nê. Nău mbơh ndơ̆ luh tâm rnôk Nga dôl tâm rdâng đah nău hao âk nuĭh ntưp nuh srê Covid-19. Chính phủ Nga an lah, nkô̆ bah rơh ntưp mhe bah 2 pơh aơ lah tă bah kaman njêng săk Delta dơi năl saơ lor bôk năp ta Ấn Độ n'hanh nău mbrơi nkai bah trong hăn chuh n'gang. Tâm nar 22/6, Nga năl geh tay rlău 16 rbăn 700 nuĭh ntưp mhe n'hanh rlău 500 nuĭh khĭt mhe tă bah nuh srê Covid-19./.   

Nuĭh rblang: Điểu Thân