VOV4.M’nông – N’gâng kan tâm rnglăp nchră nău Philippine mhe aơ an gĭt, Tổng thống Rodrigo Duterte lĕ an ndruch nău jăng lơi tâm ton ăp rmôt khâl chop (VFA) geh tât nău tahen bah Mỹ ta dak Đông Nam Á aơ. Tĭng nău mbơh bah N’gâng kan tâm rnglăp nchră nău Philppine, Tổng thống Duterte ndruch nău jăng lơi pơk dơi an Philippine n’hanh Mỹ dơi mkra ăp nău hôm e klach rvê. Tâm ton ăp rmôt chop khâl geh tam bah năm 1999 an hăng rbăn tahen Mỹ dơi đă tât Philippine gay ƀư ăp rơh nti n’hanh nău ƀư kơl nuĭh. Bah năp nĕ rnôk khay 2 năm e, Tổng thống Philippine lĕ mbơh jăng lơi VFA, yơn lah, nău ntrŭnh aơ jêh nĕ geh ndruch 2 tơ̆ tâm khay 6 n’hanh khay 11 năm e.

Nuĭh rblang: Y Sưng Phê Ja