VOV4.M’nông: Âk kon se nti geh nau rêh jêr jo\t mra geh rlu nti geh nô Nguyễn Ngọc Khôi, Bí thư đoàn druh ndăm Phường 10, nkuăl [on têh Đà Lạt n’gor Lâm Đồng kơl an hăn nti. Tă bah nau kơl rgo\ jă bah ăp nu\ih, ăp rmôt ho\ kơl an ăp rnăk vâl ăp oh rlet nau jêr.

Mẹ păng geh ji ung thư tuyến giáp, bơ\ hăn kan ân ma bu rnôk geh kan, rnôk mô geh nau kan [ư 3 oh nur: Nguyễn Thị Huyền (kon se nti jrâu 7A, ngih săm [u\t THCS Phan Chu Trinh), Nguyễn Hoàng Mạnh Anh (kon se nti jrâu 4A, Ngih săm [u\t Tiểu học Hùng Vương) ndrel Nguyễn Hoàng Minh Quân (4 năm, kon se nti mầm non Phường 10) mra geh rlu nti. Yuh Hoàng Thị Minh phương, me kon se nkoch, bar hê ur sa ndrel 3 nu\ih kon jê| tât ta Đà Lạt hăn kan ma bu bơi tât 10 năm ma aơ. Nau kan mô tâm ban, săk păng ji ung thư yor ri ma nau rêh rnăk vâl ndrel nau hăn nti bah ăp kon nsing tâm prăk hăn kan bah sai păng. Tâm di khay trok prăk manh ngih gu\, prăk khám săm jo, rvăt dak si roh bah rnăk vâl bơi tât 5 rkeh. Lah mô geh nô Khôi, Bí thư Đoàn druh ndăm Phường 10 kơl an rnăk vâl ngăn lah mô dơi ân kon hăn nti:

‘Gâp lah ueh Đoàn druh ndăm phường ndrel ăp nu\ih hăn kơl an ân rnăk vâl hên rnôk mâp nau jêr. Ntơm rnôk geh Đàon Phường kơl an an rnăk vâl hên ri kon gâp geh hăn nti ueh”.

Ntơm nau bonh đă bah nô Khôi ân tât rnăk vâl yuh Phương ho\ ndơn geh nau kơl an bah ăp rmôt, ăp nu\ih geh nuih n’hâm lo\ng rlau 90 rkeh. Du đê| ntu\k kan bah n’gor tât khâl, pă ndeh vah jâng, ka-ta nti ân kon se. Êng nê, geh 2 me mbơ\ hôm kơl an ân oh Huyền ăp khay du rkeh gay nti tât lôch jrâu 12. Oh Nguyễn Hoàng Mạnh Anh rhơn ngơi:

‘Gâp dăn lah ueh đah ăp konh druh ndăm ho\ kơl an ân rnăk vâl hên rlet nau jêr. Geh hăn nti săm [u\t ndrel ăp băl, gâp mra nsôih gay nti ân blau lơi gay ma me mbơ\ geh rhơn”.

Tâm ban ma nê, rnăk bar oh Cao Lưu Quỳnh Anh ndrel Cao Lưu Quỳnh Thu kon se nti ngih săm [u\t Tiểu học Hùng Vương, Phường 10, nkuăl [on têh Đà Lạt ko\ geh nau rêh jêr jo\t. Me ăp oh geh nau ji, du pơh hăn nchuăt play leh 3 tơ\. Ăp nau so\k do\ng tâm rnăk vâl knu\ng nsing tâm prăk hăn pah kan bah mbơ\. Ntơm nau bonh đă kơl an bah nô Khôi ăp oh ho\ geh ăp nu\ih geh lo\ng tôr kơl an ndrel ndơn kơl an du khay du rkeh ân tât rnôk ăp oh nti đại học. Oh Cao Lưu Quỳnh Thu, kon se nti jrâu 2B, Ngih săm [u\t Tiểu học Hùng Vương gi\t nau kơl an ân rnăk nơm:

‘Gâp dăn lah ueh ăp nai nti, ăp kônh druh ndăm tâm phường ho\ kơl an ân rnăk vâl hên, ân me gâp geh săm ji, ân oh nur gâp geh hăn nti”.

A[aơ nô Khôi ho\ hăn bonh đă geh 7 ntu\k kan, rmôt kơl an ân 10 kon se nti geh nau rêh jêr jo\t geh hăn nti. Ti\ng nô Nguyễn Ngọc Khôi, Bí thư đoàn druh ndăm phường 10, nkuăl [on têh Đà Lạt, gay ăp oh nô hôm geh nau rlu nti ri nau u\ch hăn nti bah ăp oh u\ch geh nau kơl an bah âk nu\ih.

‘Phung hên u\ch nau kan bah Đoàn Phường mra geh rêng hvi gay ma mom ndăm bah nkuăl [on têh Đà Lạt lah êng, ko\ kơt lah mom ndăm Lâm Đồng lah nsum mra nsum ty kơl an ăp oh geh nau rêh jêr âk lơn. Gay ăp oh geh nau dơi hăn nti ueh lơn, mô hoom prêng mpegh nau rêh ach o, ân geh nti kơt băl êng êng”.

Mô êng bonh đă tât nkre, nô Khôi hôm ndâk n’ăp ma trang Fanpage bah Đoàn Phường gay ma bonh đă ăp rmôt, ăp ntu\k, ăp nu\ih geh nuih n’hâm lo\ng tâm ndrel bah dih n’gor kơl anâk kon se jêr jo\t, ach o, rêh ndrâu. wa Mai Thị Tuyết, Kruanh Hội chữ thập đổ Phường 10, nkuăl [on têh Đà Lạt ân lah, ăp nau kan khlay bah nô Khôi ho\ kơl an âk kon ntio geh tay nau ueh gay ma hăn nti, rong nau u\ch bah săk nơm:

‘ Đoàn druh ndăm a[aơ ri mô êng knu\ng rgum tâm ăp nau r[u\n ntim nti ma hôm gi\t tât nau hăn kơl an. Bu blau nau tâm pă nau jêr đah ăp nu\ih, yor ri ma nau kan kơl an bah druh ndăm a[aơ geh ăp nu\ih rnê ueh ngăn. Ăp oh mro geh nau mi\n hăn uănh, joi gi\t ăp nu\ih geh bu nkoch mbơh klơ báo, radio gay ma joi nau kơl an. Aơ lah nau kan geh nau khlay ma Hội chữ thập đỏ bah Phường rnê prêh”.

Ăp nau kan ueh lăng bah nô nguyễn Ngọc Khôi rđau kan druh ndăm Phường 10, nkuăl [on têh Đà Lạt ntop tay n’hâm ân âk kon se geh nau rêh jêr jo\t hăn nti, kơl an ăp nu\ih bu ranh rêh ndrâu du\t n’hâm geh nau ân rnê ryơk./.

Nu\ih rblang: H’Thi