VOV4.M’nông: Lơ 19/3, Chính phủ Apganistan ndrel phung nŏng êng bah Taliban hŏ tâm ban nau ntrŭt dăng nau tâm nchră đăp mpăn. Aơ lah nau tă geh dơi bah ăp rơh tâm nchră lam ntủ neh mpeh Apganistan geh ta Thủ đô Matxcova, Nga. Ăp dak geh tât kơt Mỹ, Nga, Trung Quốc ndrel Pakistan kŏ râng rƀŭn ndrel mbơh nau kan  ton lah nsum bah ăp ding ta Apganistan geh dơi nau đăp mpăn, njrăng rdâng nau tâm lơh ndrel Taliban mô geh ƀư ăp nau rdôl lơh tâm yan mih kơt năm năm. Mỹ, Nga, Trung Quốc ndrel Pakítan hŏ kuăl jă ăp ding râng tâm lơh ta Apganistan nsrŭng păng ndal. Rơh tâm nchră ta Maxcova lah rơh bôk năp bah Mỹ ntoh nŭih ntoh măt gưl prêh tât tâm nchră mpeh Apganistan tĭng nau kan ma Nga ndâk năm 2017. Năm e, Mỹ tâm ban đah Taliban mpeh nau rhuăt tahen sĭt dak bah năp lơ 1/5. Yơn lah, n’gâng kan bah Tổng thống Mỹ Joe Biden dôl uănh tay nau kan rhuăt tahen ndrel ăp nau kan kŏ geh kâp tâm nchră./.

Nŭih rblang: H’Thi