VOV4.M’nông – Ta thủ đô Paris (Pháp), hãng hàng không Bamboo Airway n’hanh Tập đoàn Safran lĕ ntơm ký ton sam ƀŭt nkah gĭt kan ndrel đah nău uănh saơ bah Thủ tướng Việt Nam Phạm Minh Chính n’hanh Thủ tướng Jean Castex. Nău ƀư geh tâm rnôk geh rơh hăn khâl na nê̆ Cộng hòa Pháp bah nar 3-5/11 bah Thủ tướng Chính phủ Phạm Minh Chính.

Thủ tướng Việt Nam râng ƀư ksy tâm ton 2 rmen Euro Bamboo Airways đah Safran.

Ta nău ƀư, Hãng hàng không Bamboo Airway n’hanh Safran-Tập đoàn têh lam ntŭr neh tâm nău kan kỹ thuật hàng không-lĕ ntơm ƀư ký ton sam ƀŭt nkah gĭt kan ndrel mpeh nău săch ndeh păr n’hanh ăp ndơ ndeh păr an sam ƀŭt nchăm ndơ 50 bôk ndeh păr A321NEO n’hanh 30 bôk ndeh păr Boeing 787-9 bah Bamboo Airways. Dĭng lĕ geh ăp tâm ton sam ƀŭt nkah gĭt kan ndrel geh 2 rmen Euro. Na nê̆ ndâk njêng tâm boh kan dnrel đah Việt Nam bah năm 2013, tât aƀaơ Pháp n’hanh Việt Nam geh nău tâm boh rjăp, tâm rgop ndrel hun hao âk ntil. Tâm nău kan ndeh păr ƀon lan dŏng, Việt Nam-Pháp geh nău tâm boh way ơm, lĕ rngôch. Cục Hàng không Việt Nam n’hanh Tổng cục Hàng không ƀon lan dŏng Pháp lĕ ký ton kan ndrel kỹ thuật.

 Nuĭh rblang: Y Sưng Phê Ja