VOV4.Mnông-Ta năp rơh tât khâl ngăn ta Myanmar bâh ntơm nar 7-8/1/2022 tĭng nău jă bâh Tổng thống Min Aung Hlaing, Thủ tướng Campuchia Hun Sen lah na nê̆ mbra mô geh tâm nchră đah mpeh Myanmar rlău ma nău tâm ban 5 nău kan lĕ geh ăp nuĭh leo kan ASEAN tâm ban ŭch rnôk khay 4 mhe nơh ta Indonesia. Thủ tướng Campuchia Hun Sen an lah, lah Myanmar geh du ntrong kan ƀon lan ƀư tơm rĭ nĕ lah nău ueh mhe tâm ntrong kan nsrôih bâh ăp dak kan ndrel ASEAN. Nău bâh Myanmar mô geh dơh, jêng lah an geh ăp ntrong kan na nê̆ mơ geh săk rnglăy. Thủ tướng Hun Sen lĕ njoăl nău ôp tât nuĭh ƀon lan Myanmar an lah khân păng geh ŭch tay an neh dak tup ta nău uh ah mpeh chính trị kơt nĕ đŏng mô lah ŭch geh du ntrong kan tâm di. păng mbơh an lah, Campuchia lah dak jê̆, rnoh nuĭh đê̆ lơn đah Myanmar yơn geh nău ŭch ntop ta nău kan joi ntrong kan an ăp nău ta Myanmar.

Nuĭh rblang: Thị Đoắt