VOV4.M’nông – Jêh rơh khâl n’hanh pah kan pơk sŏng dăng mhe aơ ta du đêt ntŭk nkra njêng vaccine, sinh phẩm dak si rhŏ trong kan njrăng n’gang srê Covid-19, Thủ tướng Phạm Minh Chính đă, an rgum ntĭm rđău, ƀĭt joet, nta nơih ngăn dơi geh, kơl lor pă nuĭh gay ntrôl ngăch mĭn njêng, jao an công nghệ gay ơm ngăn dơi dŏng vaccine nkra njêng tâm dak, ngăch rhŏ kan nkra njêng geh vaccine. Tĭng nuih n’hâm nkra njêng an rjăp, na nê̆, ăp N’gâng kan, nău kan, ƀon lan geh tât an n’hao prêh nău kan, nta nơih, ơm dôh rklaih jêr jŏt, wăk kol an nău ƀư jao an, mĭn njêng, ê nkra vaccine. Thủ tướng jao an N’gâng kan dak si ƀư tơm, tâm rgop đah ăp N’gâng kan, nău kan geh tât ndâk njêng trong nchrăp jao an, mĭn njêng, ê nkra kơp dơn vaccine, tâm nĕ geh vaccine njrăng n’gang Covid-19 tĭng di nău ntrŭnh, đăp mpăn ngăch, đăp mpăn n’hanh mĭn njêng dăn đă tĭng sam ƀŭt rhoăt ngăch mpeh mông nar, mbơh ăp gưl dơi uănh mĭn, ntrŭnh an.

Nuĭh rblang: Y Sưng Phê Ja