VOV4.M’nông – Thủ tướng Nhật Bản Suga Yoshihide mô ntlơi nău dơi chrai Hạ viện gay ƀư săch lor nar lah ăp đảng đối lập ƀư nău ntêt nkri njŭn sam ƀŭt đă ƀư nklăch phiếu mô hôm săch đah chính phủ. Ntoh ngơi đah nuĭh nchih nău jêh rƀŭn nchră gưl prêh rmôt ăp dak công nghiệp hun hao G7 ta Carbis Bay (dak Anh) Thủ tướng Suga an gĭt kơl lor bah pơng hôm e lah nking n’gang srê Covid-19, yơn mbra ndơ̆ nău ntrŭnh mpeh rơh săch aơ rnôk di tât nar. Rơh săch Hạ viện mbra dơi ƀư lor rnôk năm kan aƀaơ lôch tâm nar 21/10 tât. Đảng Dân chủ Lập hiến Nhật Bản (CDPJ) n’hanh ăp đảng đối lập êng dôl đă liên minh djôt bôk njong jŏ rơh rƀŭn aơ ntop tay 3 khay, nkre ntêt nkri mbra đă Quốc hội nklăch phiếu mô hôm săch đah chính phủ bah Thủ tướng Suga lah dăn đă aơ mô dơi kơt tĭng.

Nuĭh rblang: Y Sưng Phê Ja