VOV4.M’nông – Tĭng nău đă mpeh bah Chile, Thủ tướng Chính phủ Phạm Minh Chính lĕ geh rơh điện tâm nchră đah Tổng thống dak Cộng hòa Chile gay tâm rgâl mpeh tâm boh Việt Nam-Chile kơt kan ndrel đah 2 dak rdâng đah rgâl trôk nar, rgop lôch uĕh bah rƀŭn nchră gưl prêh bah Liên hợp quốc mpeh rgâl trôk nar rơh tal 26 (COP26) êp tât.

Thủ tướng Phạm Minh Chính điện tâm nchră đah Tổng thống Cộng hòa Chile

Ta rơh tâm nchră, 2 kruanh uănh lah prêh nău hun hao uĕh bah tâm boh ăp ding, lơn lah nău geh tăch rgâl 2 ding tâm 9 khay bôk năm 2021 geh 1,47 rmen đôlar, hao 59% nkôp đah rơh aơ năm e. 2 ding tâm ban ŭch du đêt ăp trong n’hao tâm boh kan ndrel lĕ rngôch đah 2 dak tâm năm tât. 2 ding tâm ban ŭch mât tâm rgop rjăp n’hanh tâm kơl ta ăp ƀư rƀŭn lam ntŭr neh n’hanh rƀŭn nchră ăp ding, rgop n’hao tâm boh đah ASEAN n’hanh Liên minh Thái Bình Dương, rgop an đăp mpăn, tâm rnglăp, kan ndrel n’hanh hun hao ta 2 nkual.

Nuĭh rblang: Y Sưng Phê Ja