VOV4.M’nông: Di rnôk rƀŭn gưl prêh Đông Á (EAS) tal 16, kêng măng lơ 27/10, Thủ tướng Chính phủ Phạm Minh Chính hŏ geh rơh tâm mâp ăp nŭih gŭ kan ntoh măt tă bah ăp dak râng rƀŭn EAS ta Hà Nội, lor ma râng rƀŭn tă bah ntŭk ƀư trực tuyến ta Hà Nội. Ntoh nau ta nar mâp, Thủ tướng Phạm Minh Chính lah rjăp tay Việt Nam du trong tâm nchră nau đah dak ba dih đăp mpăn, nâp nâl, âk ntil ndơ, âk ding kan tâm boh nchră nau, nchrăp, nsôih tâm rnglăp lam ntur neh, jru, lah băl kan ueh tâm nau kan tăch rgâl, lah dak kan gơih, geh nau dơi tâm nsum mpôl lam ntur neh. Tâm nuih n’hâm nê, Việt Nam mro uăng khlay nau tâm boh, kan nsum ueh đah ăp dak, nsum ty mât ntŭk kan đăp mpăn, rnă njrăng, nâp nâl gay hun hao, ntrŭt dăng nau tâm boh âk ding, tâm rgop ndrel tâm rnglăp lam ntur neh yor nau kan lam ntur neh brih, kloh, hun hao nâp, geh nsum ndrel ueh lăng lơn./.

Nŭih rblang: H’Thi