VOV4.M'nông: Lah ta rơh pah kan đah ăp nuĭh khoa học, ăp đơn vị, doanh nghiệp râng ndơ̆ rgâl công nghệ, gŭ mĭn, ƀư njêng vaccine njrăng n'gang COVID-19 gay droh rklaih tay jêr jŏt, kŏ kol, ntrŭt ntrôl pah kan ƀư tâm nar 12/8, ta nhih pah kan Chính phủ, Thủ tướng Phạm Minh Chính đă, lĕ rngôch ăp nhih pah kan, ăp nuĭh geh nău dơn kan ân nsrôih, ndôr âk lơn đŏng, tâm boh kan nsum lhăt, nsĭt geh nău tam lơn đŏng yor nău ŭch geh vaccine ƀư njêng tâm dak an dŭt ơm. Lah ta rơh ntơm pơk rơh pah kan, Thủ tướng Phạm Minh Chính nkoch lah kloh, Chính phủ, Thủ tướng Chính phủ, Ƀan rđău đă gưl neh dak hŏ rđău đă lĕ n'hâm suan, ƀon lan dŭt n'hâm uănh khlay nău an ƀư vaccine. Thủ tướng lah rjăp "ân nchră n'hanh ƀư ân dơi” nău ƀư njêng vaccine tâm dak. Ta rơh pah kan, ăp đại biểu ŭch  tĭng âk nău mĭn bah Thủ tướng Phạm Minh Chính lah ân dơi tât geh tâm ban đah lĕ rngôch ăp ntil vaccine đŏng, "ntil vaccine dŭt uĕh tam lah vaccine dơi pă an si ƀŭt kơp dơn, dơi chuh an dŭt ơm, dŭt ngăch, năn bôk năp". Moh geh vaccine ri chuh ntil nê. Ăp nuĭh khoa học lah rjăp nău tam bah lĕ rngôch ăp ntil vaccine hŏ dơi pă an si ƀŭt kơp dơn./.

Nuĭh rblang: Điểu Thân