VOV4.Mnông- Nar 4/11 tĭng mông ta ntŭk, tâm rnôk geh rơh tât khâl dak Pháp, Thủ tướng chính phủ Phạm Minh Chính lĕ vơt đồng chí Phabiêng Rut-xen Bí thư lam dak Đảng Cộng sản Pháp. Ta rơh tâm mâp, Thủ tướng Phạm Minh Chính rnê âk ăp ntrong kan bar ding tâm ban dơn ngoăy gay ma ndơ̆ nău tâm boh hun hao têh kuăng n’hanh săk rnglăy lơn, ngăn lah ta ăp ntrong kan dôl ntoh hao kơt aƀaơ tâm nău hun hao bâh lĕ bar dak.

Rơh tâm mâp bâh Thủ tướng Phạm Minh Chính đah Bí thư Đảng lam dak Pháp

Mpơl nău rhơn mpeh ăp nău dơi geh bâh Đảng cộng sản Việt Nam tâm nău leo kan ngih dak n’hanh mpeh nău tâm boh kan đah bar dak mô rlu geh ndâk nsơm n’hanh hun hao, đồng chí Bí thư lam dak Đảng cộng sản Pháp Pha biêng Rút Sen knơm rơh tât khâl aơ bâh Thủ tướng Phạm Minh Chính mbra nta nău nsrôih kan an nău tâm boh bar dak hun hao tay nâp dăng tâm let năp tay. Ăp nuĭh cộng sản Pháp way geh kơl n’hanh mbra geh nsrôih lĕ săk nơm gay ma ntop mô rlu ndâk nsơm nău tâm boh tâm kơl ueh đah bar Đảng, bar dak n’hanh ƀon lan bar dak Việt Nam n’hanh Pháp.

Nuĭh rblang: Thị Đoắt