VOV4.Mnông-  Tâm kêng măng nar 26/10, Thủ tướng Chính phủ Phạm Minh Chính râng n’hanh ntoh ngơi ta rơh rƀŭn nchră gâl têh ASEAN-Trung Quốc tal 24. Ntoh ngơi ta rơh rƀŭn nchră, Thủ tướng Chính phủ Phạm Minh Chính lah na nê̆, đah nău kan bâh 30 năm tâm boh kan tâm rnglăp kan, 25 năm tâm nchră kan ndrel, 18 năm tâm rgop kan, ASEAN n’hanh Trung Quốc lĕ geh ndâk njêng nău tâm kơl lĕ rngôch, ueh mhe n’hanh na nê̆ ta âk ntrong kan. Geh nău aơ lah nău nsrôih n’hanh nău tâm ton têh dăng bâh lĕ bar ding ndrel bun dăp nău tâm boh kan bâh nău tâm knơm, gĭt vât n’hanh tâm ryơk ndrel, tâm kơl ndrel geh ueh. Thủ tướng rnê n’hanh ŭch Trung Quốc đah nău dơi n’hanh nău geh bâh nơm, geh tât râng tay ăp nău tâm kơl kan ta nkual n’hanh lam ntur neh tâm nău mât njrăng nuh srê, mât ueh ntŭk gŭ rêh đăp mpăn, ueh lăng, ntrôl an ndâk nsơm n’hanh hun hao nâp nâl.

Nuĭh rblang: Thị Đoắt