VOV4.M'nông: Ôi 27/10 hŏ ƀư tâm nchră Gưl têh ASEAN-Nhật Bản tâl 24. Thủ tướng Chính phủ Phạm Minh Chính leo mpôl ntơh măt Việt Nam râng Tâm nchră ndrel ăp kruanh rđău kan ăp dak ASEAN, Thủ tướng Nhật Bản Kishida Fumio n'hanh Tổng Thư ký ASEAN. Lah ta rnôk tâm nchră, Thủ tướng Phạm Minh Chính lah rjăp Việt Nam mbra nsrôih rgop, ndơ̆ tâm boh bar ding lăp jru, nsĭt geh nău dơi ngăn ngăn.

Thủ tướng lah rjăp bar ding ân tâm boh kan nsum lhăt tâm rdâk hao n'hanh đăp mpăn an ăp rêng pă an tơm ndơ geh tăch gâl tă bah COVID-19, nta trong dơh n'hanh ntop kơl dŭt n'hâm gay ăp doanh nghiệp, nuĭh ntuh kơl Nhật Bản mât đăp mpăn pah kan ƀư njêng, tăch rgâl ta nkual n'hanh Việt Nam. Nkre, Thủ tướng dăn đă Nhật Bản ntop kơl ASEAN ƀư bah tâm ƀah hun hao, ntrŭt ntrôl hun hao tâm ban, nkrum lam, nâp dăng jŏ jong ta ăp nkual hôm mbrơi hun hao, tâm nê geh nkual Mekong ma trong tâm boh Mekong- Nhật Bản./.

Nuĭh rblang: Điểu Thân