VOV4.M’nông: Lôch pơh rlau aơ, ta nkuăl [on têh Đà nẵng, Thủ tướng Nguyễn Xuân Phúc ho\ tât pah kan đah rđau tơm ăp n’gor, nkuăl [on têh bah nkuăl văng sa tơm Miền Trung ndrel nkuăl Tây Nguyên mpeh nau [ư nau kan hun hao văng sa, rêh jêng, ngăn lah nau kan ân manh tơm prăk ntuh kơl. Ndrel râng nar pah kan geh Groi Thủ tướng Rnâng kan Trương Hoà Bình, Groi Thủ tướng Phạm Bình Minh, Rđau kan ăp N’gâng kan, ntu\k kan, rđau kan 12 nkuăl bah ăp ntu\k kan văng sa, ăp ntu\k ntuh kơl têh. Ntoh nau ta nar rđau, Thủ tướng đă ăp nkuăl rvê ân nau kan Đại hội nkre ân geh mât chăm hun hao ndrel nau rêh bah nu\ih [on lan.

Nau mbơh ta nar r[u\n ân saơ, n’gul bôk năm aơ, nau hun hao văng sa bah nkuăl Tây Nguyên hao 2,72%. Năm aơ nkuăl Tây Nguyên geh jao rlau 14.200 rmen prăk tơm prăk ntuh kơl nsum, yơn tât lôch khay 6, rnoh prăk ân manh geh 31,5% nau nchrăp, dêh lơn rnoh 35,5% nau geh nsum lam dak.

Đah nkuăl văng sa tơm bah Miền Trung, n’gul bôk năm aơ nau hun hao mô geh -3,22% lah nkuăl văng sa tơm khlay geh rnoh văng sa mô hao. Tâm nê, Khánh Hoà mô hao tât 12%, Quảng Nam rlau 11,5%. Tâm rnoh tơm prăk ntuh kơl geh jao lah 38.000 rmen ri tât rnôk aơ mơ geh ân manh 34%.

Jêh geh cán bộ, ntu\k kan ntoh nau đă tâm nar r[u\n nchră, Thủ tướng Nguyễn Xuân Phúc lah rjăp, tâm rnôk nau kan pháp luật ân geh nau ueh ri nau nsôih bah Rnâng kan rđau kan, bah Bí thư, Kruanh ăp nkuăl leo tât nau khlay ân trong hun hao. Tâm nê, Thủ tướng lah rjăp tât 2 nkuăl khlay, tal bôk năp lah mô ân roh rui drăp ndơ bah Ngih dak, tal bar lah mô ân sa khâm lơh khuch tâm rnôk rđau kan.

Ngăn lah, tâm rnôk a[aơ, Thủ tướng đă rđau kan n’gor ăp nkuăl văng sa khlay mpeh miền Trung ndrel Tây Nguyên mât kơl an ân Đại hội yơn ân geh lo\ mât kơl ân nau hun hao ndrel nau rêh bah nu\ih [on lan:

‘ Du nkuăl neh ma ăp tahen khi\t tâm rơh tâm lơh kăl e âk ngăn, a[aơ ân geh ngăch jâng lơn, r[o\ng tât nau tâm boh ndrel hun hao. Ngăn lah ndâk tay nau văng sa, ăp ntil nau kan bah ntu\k kan tăch rgâl. N’gâng kan ndrel rnglăp nsum đah n’hâm, ndrel nau so\k n’hâm, pơk luh nau rnơm ndrel hun hao tâm rnôk neh dak ndrel lam ntur neh dôl mâp nau jêr. Phung he ho\ geh nau dơi rdâng phung rlăng tât ri tâm nrôk nau jêr jo\t mpeh văng sa, Miền Trung ân geh rjăp lơn, nsôih lơn, mô ân geh nau kan [ư mbrơi kơt lah du đê| n’gor dôl mâp rnôk aơ”.

Bah năp nau kan bah ăp n’gor miền Trung, tây Nguyên geh rnoh prăk tơm prăk ân manh ntuh kơl dêh, Thủ tướng nkah:

‘ Ăp đồng chí ân uănh khlay moh ntil nau ri rnôk geh prăk ma moh nau kan. Thủ tướng Chính phủ ho\ geh nau ntru\nh khlay, Quốc hội ho\ pă nau dơi ân Thủ tướng Chính phủ gay ma rklaih ăp nau kan ndơ\ luh. Miền Trung ko\ ân [ư ueh lơn. Ăp đồng chí gay ndơn mhâm [ư ma mô rđau kan, mô rđau đă nau aơ? Nar aơ geh Bí thư, kruanh, 5 n’gâng kan khlay bah ăp n’gor ta aơ, ăp đồng chí “thăk si\t, thăk hăn”, lơh nau jêr, knu\ng săch ma mô ntru\nh [ư. Mhâm lah Bình Định, du n’gor geh nau tâm kơt Miền Trung ma geh nau pă tơm prăk âk, tâm nrôk âk n’gor lo\ trok prăk tâm dâng 15-20%. Nau ôp ndơ\ luh lah giám đốc ăp n’gâng kan, rnâng kan Uỷ ban mhâm [ư gay ma rklaih nau kol nê”.

Thủ tướng lah rjăp, nau kan khlay bah nkuăl mpeh văng sa miền Trung ndrel Tây Nguyên geh 12 n’gor, mô knu\ng lah nau kơl mbăk ân neh dak tâm ban ma hôm nsôih ân nkuăl aơ jêng du ntil nau hun hao bah neh dak. Bol ma n’gul bôk năp geh n’gor mô hun hao, yơn Thủ tướng đă, ăp n’gor hao prêh ngăn, nsôih nau hun hao nsum bah lam nkuăl mô dơi dêh lơn nau geh nsum bah lam dak:

‘N’gor Quảng Nam, ngoai tâm 3 n’gor mô geh hun hao jêh 6 khay bôk năm ri ton geh hun hao +3 tâm du\t năm. Mô dơi ân n’gor Miền Trung, Tây Nguyên mô geh hun hao. Ăp n’gor dol hun hao ueh kơt rnôk aơ ri ân geh leo nau kan prêh lơn. Lam dak nsôih geh 4-5% ri ăp đồng chí ân geh rgop têh. Tal bar lah đăp mpăn pă tơm prăk ntuh kơl nsum, kơt lah 100% kơt Bình Định ho\ [ư. Tơm prăk ODA bah ăp n’gor ko\ ton pă tơm prăk 70-80%. Tal pe lah nsôih ndâk nau ntuh kơl tăch rgâl geh rgum nau ntuh kơl mhe, nsôih mhe, nsôih đah nkuăl Miền Trung-Tây Nguyên geh rêng lam ta nar r[u\n nar aơ”.

Ti\ng nê, êng nau ntru\t dăng pă tơm prăk manh ntuh kơl ri nau joi ăp nau geh jêng bah nkuăl kơt geh tât 9 tach ndeh mpăr, 14 ndrâm dak lêng, âk nkuăl văng sa, gung trong ueh, nau kan pâl n’aih ueh đah trong dak lêng jong. U|ch geh nau nê ri ân geh tâm rgop, n’hao nau dơi ndrel nau kan bah cán bộ. Đah nau kan dăch aơ 2 n’gor Thừa Thiên Huế, ndrel Quảng Nam geh nau tâm rgop pâl n’iah, Thủ tướng u\ch 7 n’gor geh nau dơi tâm rgop nsum đah Tây Nguyên ueh lơn, leo năch tât Tây Nguyên ndrel rvăt do\ng ăp nil ndơ tâm 2 nkuăl.

Bol ma tâm rnôk mâp nau jêr, yơn Thủ tướng rnơm aơ lah rnôk “u\nh rlong maih, rgănh rlong n’hâm”, nkre ntoh nau rnơm tâm nau rđau kan ndrel nu\ih [o lan tâm nkuăl ko\ geh nau u\ch hun hao, mô ân Trung ương, Chính phủ mô tâm di nuih mpeh nau mô hun hao mô lah geh âk nau kol tâm rnôk hun hao. Thủ tướng đă n’gor uỷ, HĐND ăp nkuăl ân geh ntru\nh nau gay ndâk hun hao ndrel pă tơm prăk ntuh kơl, jao nau kan ân ăp gưl, ăp ntu\k nsôih [ư, der nau knu\ng pă geh 50-70% jêh ri têm prăk ân năm ba kơi, tâm rnôk mô to\ng nau ntuh kơl kơl an nau hun hao, rklaih kan pah.

Êp nau ntru\t dăng nau pă tơm prăk ntuh kơl nsum, Thủ tướng đă ăp n’gor ân geh ntru\t dăng nau kan hun hao văng sa êng, văng sa geh ntuh kơl tă bah ba dih, ntru\t dăng nau rgâl mhe hành chính, pơk nau ntuh kơl ân ueh ân ăp tơm ntuh kơl, nchrăp ueh ngăn gay ma hun hao văng sa ko\ kơt lah nau ueh gay ma rgum tơm prăkl ntuh kơl bah lam ntur neh. Thủ tướng rnê Gia Lai geh nau kan rgum 50 ntu\k kan geh nau dơi gay ma ntuh kơl tâm nau kan bah nkuăl.

Lah rjăp Đảng, Ngih dak gi\t kloh nau jêr bah nkuăl văng sa tơm Miền Trung ndrel Tây Nguyên, Thủ tướng lah rjăp, Chính phủ, Thủ tướng Chính phủ mro hăn nsum đah ăp 2 nkuăl gay rlet nau jêr. Ti\ng nê mra lo\ mât đăp mpăn ntu\k ntu gay ma hun hao đăp mpăn, ntru\t dăng nau tăch rgâl, rgâl ntop ân jêh ntrong kan pháp luật. Thủ tướng đă ăp Kruanh n’gâng kan ân rgum rklaih nau đă bah nkuăl, mô ân geh nau hăn khâl ri nkuăl geh nkuăl mô geh yơn lah pah kan đah nkuăl ri mô âk.

Đah ăp ntu\k kan tăch rgâl, ntu\k kan ntuh kơl, Thủ tướng đă lo\ ntru\t dăng nau ê nkra tăch rgâl, hun hao nâp tay ăp nau kan blau mhe, rlet nau jêr jo\t, ntul rlong gay ma ndrel geh hun hao./.

Nu\ih rblang: H’Thi