VOV4.M’nông: Lơ 11/8, ta ntŭk kan Chính phủ, geh nar rƀŭn trực tuyến lam dak bôk năp bah Chính phủ năm kan 2021-2026 ntrŭnh nau ƀư Đại hội Đảng lam dak tal 13 ndrel nau ntrŭnh bah Quốc hội gưl XV mpeh nau hun hao văng sa rêh jêng 5 năm lvang năm 2021-2025. Tổng Bí thư Nguyễn Phú Trọng râng ndrel ntoh nau ngơi ta nar rƀŭn. Tổng Bí thư Nguyễn Phú Trọng lah rjăp, Đại hội lam dak tal XIII bah Đảng hŏ geh nau dơi ueh, tâm ban prêh mpeh nau nchrăp luh nau kan ndâk njêng, hun hao ndrel mât neh dak, tâm nê geh nau kan hun  văng sa rêh jêng 10 năm 2021-2030, rƀŏng tât năm 2045, leo neh dak nơm jêng hun hao geh nau dơi ndrel prêh, rƀŏng nau kan hun hao văng sa, rêh jêng 5 năm 2021-2025.

Gay ƀư jêh ăp nau dơi hun hao văng sa, nkô̆ nau nchrăp luh, Tổng Bí thư Nguyễn Phú Trọng đă, Chính phủ năm kan 2021-2026 ân lŏ ƀư tĭng nuih n’hao dăng lơn, ueh lơn tay nau ueh ơm, ăp nau tă geh, nau tă dơi têh ndrel ăp nau tă geh nti blau ma Chính phủ bah ăp năm kan tă geh dơi, nsôih lơn tay tâm ăp trong mhe, n’hao nau nâp, nau săk tam, ƀư ueh nau kan lvang năm hun hao mhe./.

Nŭih rblang: H’Thi