VOV4.M’nông – Tổng thống Belarus Alexander Lukashenko n’hanh Tổng thống Nga Vladimir Putin mhe geh rơh mâp ndrel nar nđaơ 28/5 ta Sochi, Nga. Rơh mâp ƀư tâm rnôk Liên minh châu Âu nchrăp mbơh an ăp trong mkra rmal ntop tay đah Belarus geh tât nău geh tât nău dak aơ đă du bôk ndeh par rdêng năch bah Ai-len an jŭr ndal gay uănh nđôi rnă njrăng. Rơh mâp ta Sochi gay uănh lah Tổng thống Lulashenko tâm nău an năl dak aơ dơi rlet rlău nău mpet nar lơ hao bah phương Tây. 2 kruanh Nga n’hanh Belarus lĕ tâm mâp na nê̆ 3 tơ̆ kơp bah rnôk wa Lulashenko dơi săch tay tâm rơh săch ƀư tâm rlăch rnôk khay 8 năm e. Belarus bah năp nĕ lĕ nsrôih n’hŭch nău knơm tâm pring xăng bah Nga n’hanh joi trong rdâk nkra tâm boh đah Mỹ.

Nŭih rblang: Y Sưng Phê Ja