VOV4.M’nông: Nuĭh way ntơh măt bah Trung Quốc ta Liên hợp quốc Trương Quân kuăl jă pơk hvi ăp trong kơl nuĭh rlău n'har bri an nuĭh ƀon lan Syria, tâm ban kơt ntlơi ăp trong rmal êng du ding đah neh dak Trung Đông dja. Lah ta du rơh hop bah Hội đồng Bảo an Liên hợp quốc, Nuĭh way ntơh măt bah Trung Quốc ta Liên hợp quốc lah rjăp, nô nău kơl nuĭh ta Syria dôl krit hô ta năp nău ntul rlong têh kơt wăng sa hŭch hêng, prăk tâm dak hŭch thuk, mô ăp tŏng ndơ sa, nô nău ntưp rêng nuh srê Covid-19 hao ngăch. Tă khuch bah âk năm geh nchâp rmal, nău hun hao wăng sa n'hanh rêh jêng kon nuĭh bah Syria hŏ geh tât khuch hô ƀư duh jêr kơl nuĭh ta dak dja lơn ma jru hô lôch nê ƀư hŭch nău dơi rdâng lơh đah nuh srê têh./.

Nuĭh rblang: Điểu Thân