VOV4.M’nông – Ủy viên Quốc vụ nkre ƀư Kruanh nchră nău Trung Quốc wa Vương Nghị an gĭt, pơng lĕ tâm nchră jru n’hanh sŏng dăng đah kruanh nchră nău 4 dak châu Âu tâm rơh mâp bôk năp n’hanh dơi geh tâm ban ŭch nsum lam hvi. Nău mbơh bah Kruanh nchră nău Vương Nghị dơi ndơ̆ tâm rơh mbơh jêh tâm nchră đah nuĭh tâm ban gưl kan Hungary Peter Szijjarto ta nkual ƀon têh Quý Dương, ta n’gor Quý Châu, miền Tây Nam Trung Quốc. Ta năp nĕ, pơng lĕ geh ăp rơh tâm nchră êng đah kruanh nchră nău 3 dak Ba Lan, Serbia, Ireland tâm nar gŭ khâl Trung Quốc. Wa Vương Nghị an gĭt, aơ lah rơh mâp na nê̆ bôk năp đah kruanh nchră nău Trung Quốc n’hanh ăp dak châu Âu tâm năm aơ, nkre kuăl lah “rơh tâm nchră têh hvi” đah Trung Quốc n’hanh châu Âu bah năp ăp nu nău mhe n’hanh ntul rlong mhe. 

Nuĭh rblang: Y Sưng Phê Ja