VOV4.M’nông: Lơ 20.6, Trung Quốc mbơh jêh nau chuh ân rlua du rmen dĭng vắc xin Covid-19, n’gâng khlay tâm rnôk rƀŏng tât nau dăng châl tâm dak aơ. Rnoh aơ âk rlau 3 tŏ rđil ta Mỹ ndrel geh bơi tât 40% tâm rnoh 2,5 rmen dĭng vắc xin geh dŏng lam ntur neh. Trung Quốc ntơm chuh neh dak âk ngăn kơp ntơm nklang khay 12/2020. Bôk năp, nau chuh mbrơi yor ƀon lan dak aơ ê ŭch chuh ndrel nau kan dak si tâm dak kŏ dơi nkân njrăng srê. Yơn lah, kơp ntơm khay 5 jêh rnôk srê ntoh luh ndal bah ăp n’gor Liêu Ninh, An Huy ndrel rnôk aơ lah Quảng Đông, rnoh nŭih chuh tâm dak aơ hao âk. Âk nar êp aơ, rnoh vắc xin geh dŏng ăp nar hŏ rlau 20 rkeh. Trung Quốc ndŏ nau kan chuh n’gang tŏng ân 40% tâm rnoh 1,4 rmen ƀon lan bah năp khay 7 năm aơ./.

Nŭih rblang: H’Thi