Tâm 3 nar (ntơm bah nar 25 -27/3), Liên minh Hợp tác xã n’gor Dak Lak ƀư pơk tay jrô kơi năp nti marketing n’hao têh an ăp hợp tác xã (HTX) ƀư njêng, tăch rgâl cà phê ta n’gor. Jrô kơi năp nti wăch rgum nău tât râng âk mpưm nuĭh ntơh măt ăp HTX, dŏng trong ntĭm nti bah ăp nuĭh rnâng kan tâm trong marketing, ntơm njêng nău kan rgâl mhe gưl neh dak.

Wa Lê Văn Dần, Groi kruanh Liên minh Hợp tác xã n’gor Dak Lak an gĭt, jrô kơi năp nti dja lah ngoăy tâm ăp nău kan khlay gay ntop kơl ăp HTX n’hao nău dơi tâm rlong, hun hao jŏ jong n’hanh rgop năl di ntŭk khlay kan bah cà phê Dak Lak ta ntŭk tăch rgâl tâm dak n’hanh dak bah dih. Tâm let năp tay, Liên minh mbra pơk ăp jrô kơi năp nti, way jru mpeh ăp trong kan êng êng gay tŏng đah nău ŭch geh hun hao bah ăp HTX ta n’gor.