Khay klêh tiêu năm 2025 dôl lăp tâm khay dôl klêh, nsĭt tât nău rhơn têh an nuĭh ƀon lan kan lŏ mir Gia Lai, rnôk tiêu kro hao khlay 160.000 prăk/kg. Rlău 100 nuĭh bah Hợp tác xã Tuch tăm n’hanh rhŏ dŏng Nam Yang (nkuâl Đăk Đoa) dôl mpŏng khay dja mbra nsĭt tay bar pe jât rmen prăk nơm geh 50ha tiêu săk geh âk. Wa Nguyễn Tấn Công – Kruanh HTX an gĭt, ntơm bah năm 2018 tât aƀaơ, đơn vị hŏ rƀŏng jêng tăm rlŭ tiêu n’hanh cà phê gay bah ir roh huach prăk dŏng kan, n’hao rnoh nâp dâk tât rgoh n’gơ bah ntŭk tăch rgâl. 

Ndrel đah nê, HTX ntrŭt nsôr ƀon lan kan lŏ mir mât chăm hữu cơ, đăp mpăn di rnoh srăch uĕh tăch n’gluh. HTX ntrŭt nsôr ƀon lan mô dŏng dak si mpăng tâm mât chăm. Tĭng ƀư trong tăm rlŭ âk ntil tơm, tâm pleh tơm tăm mô ƀư hao rnoh roh huach prăk dŏng kan kơl nsĭt geh wăng sa âk. Nơm geh rgâl trong mât chăm tâm di, rnoh hvi neh tăm tiêu mô pơk hvi tay kơt ntơm nơh, nuĭh tăm tiêu Gia Lai nha hôm nsĭt geh âk nơm geh rnoh khlay n’hanh săk geh đăp mpăn đŏng.