Ăp nar aơ, ƀon lan nkuăl Cư Kuin, n’gor Dak Lak ntơm tâm yan klih tiêu yan 2024-2025. Rnoh tiêu hŏ geh rnoh bơi tât 160 rbăn/kg (rnoh prêh ngăn kơp ntơm năm 2016 tât rnôk aơ) dôl njêng tay nau nsôih kơl kônh wa đăp mpăn ntuh kơl âk lơn tâm ntil tơm aơ. Lam nkuăl Cư Kuin rnôk aơ geh 4.700 ha tiêu dôl dơi klih tâm rnôk aơ, nau geh rlau 3,2 tấn/ha, rnoh geh ăp năm geh rlau 15 rbăn tấn.

Tĭng wa Nguyễn Cảnh Sang, Groi Kruanh Jrâu kan Tuch tăm ndrel ntŭk ntu nkuăl Cư Kuin, n’gor Dak Lak, âk năm ma aơ, rnoh tiêu dôl rnoh hao prêh kơl an ƀon lan đăp mpăn ŭch ntuh kơl tăm ueh. Êp nau kơl an ƀon lan mpeh nau ntĭm kan, n’gâng kan kŏ nkah đă ƀon lan mô dơi tăm âk, lŏ ntuh kơl tăm tâm rnoh dôl geh ndrel mât chăm ân ueh, nâp./.