Ta nkual ƀon têh Đà Lạt (Lâm Đồng) đŏng, kêng măng nđaơ lĕ ƀư Rgum nchră n’glôch jêh nău nchrăp ƀư “Ndâk njêng tâm nchră nău kơl, n’hao dơi n’hanh nău wât mpeh dŏng ndoh ndơ lŏ mir lĕ đah nău kan, rwach rgum n’hanh mkra ndŏk nja tâm nkra njêng cà phê ta Việt Nam”.

Năm 2024, tăch n’gluh cà phê bah Việt Nam geh 1,32 rkeh tấn, geh prăk bơi 5,5 rmen đôlar. Bôl ndơ geh âk, nău kan cà phê Việt Nam rdâng đah âk ntŭl rlong tâm rnôk hun hao nâp nâl, lơn lah tâm mât uănh ndŏk nja n’hanh ndơ dŏng ƀư lŏ mir. Gay ntrôl nău kan cà phê hun hao nâp nâl, khay 6/2024, nău nchrăp “ndâk njêng tâm nchră nău kơl, n’hao nău dơi n’hanh nău wât mpeh dŏng ndơ ƀư lŏ mir lĕ đah nău kan, rwach rgum n’hanh dŏng ndŏk nja tâm nkra njêng cà phê ta Việt Nam” lĕ na nê̆ ntơm ƀư. Đah nău ŭch rgum jêt tâm ƀah nău geh an đêt ngăn 150.000 rnăk ƀon lan tăm cà phê ta Việt Nam tâm năm 2030, ăp đại biểu lĕ tâm nchră mpeh ăp nău blău ơm bah nău nchrăp ƀư; nkoch ăp ntrong ƀư, trong mkra tăm cà phê săk rnglăy, nâp nâl; ăp trong dŏng ndoh ndơ ƀư lŏ mir mhe, rwach rgum n’hanh mkra ndŏk nja... Nkre, dăn đă nău kơl n’hanh ƀư boăt nthoi ăp ding geh tât tâm hun hao cà phê nâp nâl ta Việt Nam.