Nsrôih n’hao rnoh hợp tác xã pah kan đăp, geh prăk kon bah 80% let lơ, tâm năm, ndâk njêng geh đêt ngăn 5 ntrong ƀư Hợp tác xã, tâm nĕ, uănh khlay ăp ntrong ƀư hợp tác xã mhe, ntrong ƀư hợp tác xã hăn ndrel đah trong khlay. Aơ lah nău rƀŏng dơi Liên minh hợp tác xã n’gor Dak Lak n’gluh an ta ƀư rgŏ jă ntrong leo tâm rlong năm 2025.

Ta ƀư rgŏ jă, Liên minh hợp tác xã n’gor Dak Lak kuăl jă ăp hợp tác xã ta n’gor mât uĕh tay nuih n’hâm nchrăp lor, mĭn ƀư mhe, ntrôl dăng kơt dŏng khoa học kỹ thuật, rgâl mrô n’hanh tâm rgop trong khlay gay n’hao săk rnglăy pah kan. Tă bah nĕ, n’hao rnoh hợp tác xã pah kan đăp mpăn, geh prăk kon bah 80% let lơ; rnoh hợp tác xã gĭt blău geh rlău 55%, hợp tác xã mô jăp blău hŭch bah dâng 10%. Tâm năm aơ, ndâk ƀư geh đêt ngăn 5 hợp tác xã ntrong ƀư mhe, hăn ndrel trong khlay. Wa Huỳnh Bài, Kruanh Liên minh hợp tác n’gor Dak Lak an gĭt, tâm rgop mbra geh âk ntop kơl tâm di gay ăp hợp tác xã dơi geh nău rƀŏng lĕ n’gluh an.