VOV4.M’nông: Lơ 23/5, Thủ tướng Tunisia Hi-sam En Me-chi-chi hŏ leo bôk rmôt kan gưl prêh dak aơ tât khây 2 nar tât Thủ đô Tripoli, Lybia gay tâm nchră mpeh nau n’hao nau tâm boh văng sa đah 2 dak kŏ kơt lah râng tâm ăp nau kan ndâk tay Lybia. Tâm rơh khâl, 2 ding ký ton nau nchrăp geh âk nau kơl an pơk trong lơn ân nau tâm nchră nau kan tăch rgâl ndrel nau ntrơn kan bah ƀon lan 2 dak, kŏ kơt lah bonh đă nau kan nchrăp geh tât trong dak lêng ndrel trong jâng. Thủ tướng Tunisia lah rjăp nau ŭch tâm nau ntrŭt dăng nau tâm boh văng sa đah dak tâm dăch ma nơm tâm rnôk Tunisia dôl rlet rlau nau rŭng răng mpeh văng sa khuch hô. Wa lah rjăp dak aơ mra ƀư nau nau kan khlay tâm nau ndâk tay nau kan ta Lybia, nsing tâm jnau nsôih nsum kơl an văng sa bah 2 dak./.

Nŭih rblang: H’Thi