VOV4.M’nông: T^ng nău mbơh bah Ban Tổ chức Trung ương, Đại hội ntu\k mât bôk kan đảng tâm dâng năm kan 2020- 2025 tâm lam dak ho\ [ư lôch jêh. Kơp tât nar 30/06/2020, ho\ geh 52.000 ntu\k mât bôk kan đảng tâm dâng [ư lôch jêh đại hội năm kan 2020- 2025, dơn hôm 120 ntu\k mât bôk kan đảng tâm dâng [ư đại hội bah kơi nar 30/06.

            Ndrel tâm rnôk dja, 85 đảng bộ bah lơ ho\ [ư đại hội tâm nê geh 54 đại hội nt^t leo lor, 33 đại hội sơch na nê| Bí thư. Hà Nội, Yên Bái, Quảng Ninh lah đảng bộ t^ng trong nchrăp geh rnoh đại hội gưl bah lơ sơch na nê| Bí thư ta đại hội âk lam dak.

            Lor bôk năp, Ban Tổ chức Trung ương kơp dơn pah kan nchrăp đại hội  ta ăp n’gor dơi t^ng [ư ăp to\ng rêng grep, di t^ng nău way, mât ue\h nău dơi tâm ban, rgum dơi rsang rnglăy nău g^t blău bah âk mpưm cán bộ, đảng viên n’hanh [on lan. Nu^h kan dơi mbơh an gưl uỷ, Ban thường vụ, Bí thư, Groi bí thư, uỷ viên Uỷ ban kiểm tra n’hanh nu^h ntơh măt hăn râng đại hội đảng bộ gưl bah lơ. Rnoh âk cán bộ mom, cán bộ bu ur, cán bộ nu^h rnoi mpôl đê| râng gưl uỷ ta âk ntu\k geh tât n’hanh rlău rnoh ndơ\ luh.

            Yơn lah, si [u\t nchrăp lor dăn đă bah du đêt ntu\k mô ho\ ăp to\ng lôch lam le\ rngôch, jru hvi. Rnoh âk nău rgop tâm nchră ta du đêt đại hội hôm đêt, mô ho\ njêng nău tâm rkhăch khuh n’gôr, rlăch ndăng ta đại hội; nău râng rgop tâm si [u\t nchrăp lor dăn đă bah Trung ương n’hanh gưl bah lơ mô ho\ dơi uănh di rnoh na nê|. Lơn lah, hôm du đêt nu^h kan Bí thư, groi bí thư geh dơi tay nău kan yơn mô dơi lăp.

            Wa Phạm Mạnh Khởi, Vụ trưởng Vụ Cơ sở Đảng, Ban Tổ chức Trung ương an g^t, ăp ntu\k mhe bah Đại hội Đảng năm kan 2020- 2025 dơi t^ng [ư răp jăp, ho\ geh nău dơi ue\h. Na nê| lah tâm nchră so\ng dăng ta đại hội bôk nău kan n’hanh nău rlong sơch na nê| Bí thư gưl uỷ ta đại hội. ndrel đah nê, rêng sơch nu^h kan geh âk nău rgâl đo\ng, t^ng [ư 5 rêng, nu^h dơi kan tay [ư lor, nu^h kan râng bôk năp [ư bah kơi t^ng trong r[o\ng [ư t^ng kơn lhăt jăp, t^ng nău kan na nê|, t^ng rmôt kruanh bah jê| tât têh, đăp mpăn uănh di na nê|, ntu\k tât [ư lôch jêh ăp to\ng tât ntu\k nê.

            Gay [ư geh nău dơi đại hội gưl bah lơ sơch na nê| lah êng n’hanh đại hội đảng bộ ăp gưl lah nsum, wa Khởi lah rjăp 5 ntil nău ân dơi rhoăt luh nău tă ơm g^t kan.

            Ăp gưl uỷ ân mbơh g^t jru hvi ăp to\ng, sôt hơr nău ntru\nh 35 bah Bộ Chính trị, nuih n’hâm rđău đă tâm nău nchih bah Tổng Bí thư, Kruanh dak Nguyễn Phú Trọng mpeh nchrăp n’hanh [ư an jăp ue\h đại hội đảng bộ ăp gưl n’hanh ăp quy định nt^m nti bah Trung ương gay n’hao dăng rđău kan, nt^m nti, ôp uănh pah kan nchrăp n’hanh [ư đại hội. Uănh khlay nău năl di tay, uănh an do\ng si [u\t nchrăp lor dăn đă, đề án nu^h kan bah gưl bah dâng, rđău đă rgâl ngăn le\ nuih n’hâm, kơi ntop lah mô ho\ to\ng geh nău di.

            Nău mbơh chính trị ân geh bôk tâm di, đăp mpăn logic, uănh năl di, lam le\ rngôch nău dơi ho\ geh, rgum le\ trong [ư ue\h, blău njêng mhe, nău dơi ntoh lư gay rhuăt luh ăp nău tă ơm g^t kơt nti jru hvi; nkre nchroh dăch dêh đah nô nău ngăn ngăn gay ndơ\ luh ăp rnoh tât kan nsrôih âk, ăp nău kan, trong nkra ăp kôp, lam le\ rngôch mpeh rdâk njêng Đảng, hun hao wa\ng sa rêh jêng kon nu^h, đăp mpăn njrăng n’gang neh dak rnă njrăng, tâm boh dak bah dih, sơch di nău kan tơm, ăp trong nkra dơi ndal gay hun hao ngăch, nâp dăng, đah uănh ngai tât năm 2030 n’hanh 2045.

            Nău mbơh uănh năl êng tih di bah gưl uỷ ân geh nău rlăch ndăng âk. Nsing tâm ăp nău kan bah gưl uỷ ho\ dơi nkoch tâm ăp quy định bah Bộ Chính trị, Ban Bí thư gay uănh năl êng tih di, der bah tâm tru\p nkô| đah nău mbơh chính trị. Rgum uănh năl êng tih di nău t^ng [ư nău way rgum joi nău tâm ban, nău way pah kan bah gưl uỷ, rgâl trong rđău kan, gu\ rêh, pah kan, lôch nê ntro\ng năl kloh nău dơn kan bah nsum mpôl, êng nu^h gay ndơ\ luh lor trong tor, trong nkra tâm di gay nkra, [ư bah rbăn lhơ, [ah khoah nău kan.

            {ư jăp nău nkah tâm nchră ăp trong nchrăp si [u\t dăn đă ta Đại hội XIII bah Đảng, si [u\t nchrăp  lor dăn đă đại hội đảng bộ gưl bah lơ n’hanh gưl he. Rgum nkah nău rgop tâm nchră ăp nkô| jêr, nkô| mhe, ăp rnoh tât kan, nău kan tơm khlay, trong nkra geh nău dơi ndal mô lah nkô| nău rgop hôm êng êng, lơn lah ăp nkô| geh tât n’gor, nhih pah kan đơn vị n’hanh njoăl lor nkô| nkah tâm nchră an ăp đại biểu gu\ m^n na nê|, nchrăp ăp nău rgop tam, njêng nău tâm rkhăch khuh n’gôr, rlăch ndăng ta rnôk đại hội.

            Tâm pah kan nchrăp nu^h kan ân êng uănh khlay nău săk blău, so\k rnoh di, nău dơi geh lah tơm, nkre uănh năl di cán bộ le\ mpeh nuih n’hâm kan ue\h, trong gu\ rêh, nău blău kan, nău nsing nơm n’hanh lôch jêh geh pah kan. Ăp nkô| nău jêr, duh ndal, hôm geh nău rgop êng êng mât ue\h nău g^t blău rgum n’hanh n’glêh an t^ng nău âk nu^h rgop./.

Nu^h nchih rblang: Điểu Thân