VOV4.M'nông: Jâng wăng sa Australia dôl dâk hao tay nâp đah rnoh hun hao geh 1,8% tâm quý I, rlău âk rđĭl đah 7 dak công nghiệp dâk bôk năp lam ntŭr neh (G7). Tĭng rnoh nchih rgum dŭt mhe dơi nhih pah kan nchih rgum Australia mbơh, hun hao lĕ rngôch ndơ geh ƀư tâm dak (GDP) bah dak dja tâm quý I năm 2021 lah 1,8%. Lah rđĭl đah rnoh nchih rgum bah quý IV năm 2019, rnôk ntơm geh nuh srê têh Covid-19 ri mbra an saơ GDP tâm pe khay bôk năm aơ bah Australia âk rlău 0,8%. Nău dja jêng lah rnoh têh bah jâng wăng sa Australia tâm quý I/2021 hŏ têh rlău rđĭl đah rơh nuh srê têh. Australia mĭn lah an tât aƀaơ jâng wăng sa dak dja hŏ dâk hao tay 85% lôch tât khuch bah nuh srê n'hanh tâm rnôk dja  hŏ ƀư geh ngăch rlău 2 tơ̆ rđĭl đah nău nchroh ntơm nơh bah chính phủ. Tĭng uănh năl bah Mpôl kan tâm boh n'hanh hun hao wăng sa, jâng wăng sa Australia mbra hao 4,5% tâm năm aơ./.

Nuĭh rblang: Điểu Thân