Mâu hâi ki kố, tơdroăng rêh ối dêi rơpo\ng pôa Nguyễn Duy Dũng, ối a kơxo# 170, troăng Hai Bà Trưng, bêng 6, pơlê kong kơdrâm Đà Lạt, kong pơlê Lâm Đồng hlo ôh tá tơniăn xua tung hngêi hmâ trâm tơdroăng ki têa lu, trâp hiu mot rêm rôh ai kong mêi.

Tiô pôa Dũng, tơdroăng ki kố pơxiâm trâm sap ing apoăng rơnó mê hngê hơnăm nah, la tung pơla mâu khế ki kố thăm rế ó tâ. Rơpo\ng athế roê 4 toăng kơmăi hrik, ai ivá ki têi má môi vâ hrik têa ‘no pá gong, athế đi đo ai ngế ki ối a hngêi vâ re\ng châ hrik, go#m tôm kế tơmeăm tung hngêi. Pôa Nguyễn Duy Dũng, tối ăm ‘nâi:

‘’Tâi tâng kơpong kố, drêng kong mêi bu 5 phut xo mê tâi tâng mâu hngêi a kơpong kố pơrá tro têa lu tâi. Têa gá hên khât, xua tíu kố gá to lâi tíu, klo\ng pơrá tơhnâp tâi. Ngin ôh tá ‘nâi pro tiah lâi, bu ‘nâi hbrâ ví tiô túa ki hrik têa lo pá gong mê gá pá khât. Tâng a kong măng pin koi hiât mê gá lu tâi tâng, a kong hâi drêng lâi xuân athế ai ngế ki ối a hngêi, tâng ôh tá ai kơbố ôh tá chiâng. Têa, tơnêi trâp ngăn gá ‘mêi khât, rêm rôh xếo mơhrê hên têa kơmăi, mê nếo hrik têa ing klôh. Rêm khế athế nâp liăn on tơhrik lối rơtuh liăn. Rơnó mêi gá tơpá khât’’.

Kố cho tơdroăng ki trâm tơdjuôm dêi vâ chê 100 rơpo\ng kuăn pơlê ki ai hngêi drô troăng Hai Bà Trưng [ă La Sơn Phu Tử, ối tung bêng 6, pơlê kong kơdrâm Đà Lạt.

Pôa Nguyễn Hùng, ối a kơpho# kố ăm ‘nâi, xiâm kối cho xua tung pơla mơjiâng pro tơdroăng tơkêa pro hngêi trăng, troăng klông Kơpong ki pơtâp ivá, ối tung Tíu xiâm mơhno mơijâng túa le\m tro tơ’noăng ivá kong pơlê Lâm Đồng a chê mê, pro têa mêi hnối mơhiu djâ tá tơnêi trâp khêi mot tung kơpong kuăn pơlê rêh ối, tâp kơđu troăng têa, pro têa ôh tá kâi hiu lo mê chiâng pro têa lu ó khât.

‘’Tung kơpong kố nếo mơjiâng pro cho 2 hơnăm, mê rêm rôh kong mêi tơnêi trâp hiu mot, kơđu troăng ki kơdoăng têa, kong mêi têa đik ing tơnêi, hnối ai tơnêi trâp mot tung hngêi. Ngin trâm tơdroăng ki kố hiăng 2 hơnăm kố, mê rêm rôh kong mêi athế hrik ‘no  têa, tah trâp tơnêi, hrê hên troh rơtuh liăn on tơhrik’’.

Tung pơla mê, pôa Đặng Hùng Phong, kăn ngăn ‘na Măt tra#n Tôh kơpho# 1, bêng 6, pơlê kong kơdrâm Đà Lạt ăm ‘nâi, maluâ vâi krâ nho\ng o hiăng hên hdroh pro đơn pâ thế, pơtroh ăm khu râ kăn pơkuâ kơnôm vâi to\ng kum, la xuân hâi ai kơ koan ki lâi pơkâ to\ng kum. Pôa Đặng Hùng Phong, hêng hôu tối:

  ‘’Kuăn pơlê ngin kố hmâ trâm tơdroăng ki têa lân mot tung hngêi, drêng Ho#i đồng hnê ngăn kong pơlê, pơlê kong kơdrâm lăm troh trâm mâ kuăn pơlê mê á [ă vâi krâ nho\ng o a kố pơrá ai rơkong tơpui tối. Mê nếo, a Ho#i đồng pơlê kong kơdrâm ai tiâ ăm ngin la pơkâ thế ngin pêi cheăng peăng pá khu tơkêa bro, ngin cho kuăn pơlê tiah lâi ngin chiâng vâ tơpui tối [ă vâi, tơdroăng kố bu to khu kăn tê nếo chiâng tơpui. Xua mê, kuăn pơlê ngin rơhêng vâ khu kăn pơkuâ athế tơmâng ngăn, pơkâ tơleăng mâu tơdroăng ki kố tro tâ, pôi tá pro ton tơdjâk troh tơdroăng rêh ối dêi kuăn pơlê’’.

Quang Sáng chêh

Katarina Nga tơplôu [ă tơbleăng