VOV4.Sêdang - A Tíu xiâm ngăn pơkeăng [ă khăm pơlât tơring Krông Pa], kong pơlê Dak Lak, kơvâ ngăn pơkeăng [ă khăm pơlât Dak Lak hiăng tơku\m po rôh hriâm tâp mâu tơdroăng drêng ai ngế nhôm tro tâ pơreăng êi xôu, hâ troăng hiâm ki râ xua túa pơreăng ki nếo dêi virus Corona, ối khe\n cho nCoV pro.

Ki xiâm dêi rôh hriâm tâp kố pơtih drêng ai ngế ki tâ pơreăng troh khăm  ngế ki tơngê, kơ-o môi tiah ‘na tro pơreăng êi xôu, hâ troăng hiâm ki râ xua túa pơreăng ki nếo dêi virus Corona pro [ă ai rôh trâm mâu ngế ki lo ing kơpong ki ai pơreăng.

Dak Lak hriâm tâp tơdroăng ki hbrâ mơdât pơreăng nCoV

Pôa Nay Phi La, Kăn pơkuâ Khu ngăn pơkeăng [ă khăm pơlât kong pơlê Dak Lak ăm ‘nâi: Riân troh kơxê lơ 11/2, kong pơlê Dak Lak hiăng tơku\m klâ ối krê [ă 15 ngế ki nhôm tâ pơreăng virus nCoV, nôkố 12 ngế hiăng klêi séa ngăn ôh tá tâ pơreăng virus nCoV [ă hiăng lo ing hngêi pơkeăng, la mâu tơdroăng ki ôh tá tơniăn dêi pơreăng, kơvâ ngăn pơkeăng hiăng tối tơbleăng tâi tâng mâu troăng hơlâ vâ hbrâ mơdât. Tơdroăng cheăng hriâm tâp kố cho vâ mơdêk ‘na hbrâ mơdât, pơkâ tơleăng tung tơdroăng ki tâng lơ tro tâ pơreăng.