VOV4.Sêdang - Ô vâi krâ nho\ o [ă pú hmâ! Rơtế [ă kuăn pơlê tung lâp tơnêi têa, kuăn pơlê kong pơlê Daklak dế pêi pro hnoăng pơxúa dêi tơná [ă rôh tâ ph^u Khu kăn Kuo#k ho#i hneăng má 14 [ă pôk Kăn ho#i đồng hnê ngăn rêm râ hneăng hơnăm 2016-2021 [ă tuăn hiâm ki sôk ro, ai hnoăng pơkuâ khât. Tơdroăng ‘’Kuo#k ho#i [ă kuăn pơlê’’ hâi kố, Hương Lý, ngế chêh hla tơbeăng cheăng tung Rơ’jiu Việt Nam a Tây Nguyên ai chêh tối.

Cho môi ngế pêi chiâk deăng a pơlê hơngế dêi cheăm Ea Sar, tơring Ea Kar, kong pơlê Dak Lak, plâ hơnăm pêi to chiâk deăng, la lối 1 hơnăm kố, pôa Bùi Xuân Minh xuân kơhnâ tung tơdroăng tơmâng radio, pơchuât ngăn hlá tơbeăng tí tăng ‘nâi ple\ng ‘na mâu tơdroăng ki tơdjâk troh roh tâ ph^u rah xo kăn Kuo#k ho#i hneăng 14 [ă kăn Ho#i đông hnê ngăn kuăn pơlê rêm rấ hneăng 2016-2021. Pôa Minh tối tiah kố, cho môi ngế ki veăng tâ ph^u ngế ki tơná púi vâ, mơhé dêi tơná bu môi ngế laga xuân cho veăng tung hnoăng cheăng rah xo mâu ngế ki tơxâng teăng mâ ăm hiâm mơno pói vâ dêi kuăn pơlê. Pôa Minh tối ăm ‘nâi: {ă hnoăng cheăng a hiăng tí tăng ‘nâi ple\ng, pơchuât ngăn mâu luât ki pơkâ ‘na tơdroăng ki tơxâng vâ to pro kăn tung hneăng la ngiâ. Mâu ngế ki châ tơbleăng tối, ‘ba hiâm mơno, tuăn rơkê kal athế ai vâ khoh tơmâng rơkong kuăn pơlê, ‘nâi klê mâu tơdroăng ki pá puât dêi kuăn pơlê a kơpong hơngế hơngo vâ tối tơno ăm Kuo#k ho#i vâ kuăn pơlê châ xúa tơxâng tro tiô tơdroăng pơkuâ ngăn dêi tơnêi têa.

Cheăm Ea Mlay, tơirnh Mdrak ai vâ chê 800 rơpo\ng [ă lối 3 rơpâu 574 pơ’leăng mâ mơngế la kuăn pơlê rêh ối tơprâ tơpru\ng, troăng prôk pá puât. Vâ hâi tâ ph^u rah xo kăn Kuo#k ho#i hneăng 14 [ă Ho#i đông hnê ngăn rêm râ hneăng 2016-2021 chiâng hâi leh kân dêi tâi tâng kuăn pơlê, tung mâu khế hơnăm hiăng hluâ tâi tâng khu râ pơkuâ dêi cheăm hiăng pơrá ‘no hnoăng cheăng. Khu hnê mơhno tâ ph^u rah xo kăn hiăng axoăng cheăng, axoăng hnoăng ăm rêm khu ki ngăn vâ tí tăng ‘nâi ple\ng, pêi pro dêi hnoăng cheăng tơná, mơjiâng mâu tơdroăng hbrâ ăm roh hôp, tăng rah kuăn mơngế, chêh inâi [ă te#m inâi mâu ngế ki châ kuăn pơlê rah [ă hnối po roh hôp trâm mâ, tơpui tơno [ă kuăn pơlê tơtro tiô luât hiăng pơkâ. Pôa Hồ Xuân Thương, Kăn pơkuâ hnê ngăn Đảng cheăm Ea Mlay, tơring Mdrak tối ăm ‘nâi: Klêi kơ’nâi ai mâu hlá mơ-éa dêi râ kơpêng ngin hiăng tơku\m pơkuâ ngăn râ pá kơdâm pêi pro tro tiô tơdroăng hnê tối dêi râ kơpêng. Troh nốkố ngin hiăng hôp pro 3 tơdroăng, séa ngăn tâi tâng kơxo# mâu ngế ki châ rah xo tung pơlê tơring, cheăm. Séa ngăn ing luât 32 dêi Luât tơku\m mơjiâng khu kăn pơkuâ cheăm ngin hiăng rah xo 25 ngế. Ngin hiăng rak vế ki tơtro tung hnoăng cheăng pêi tơkôm troh lơ 22 khế 5, ngin kô pêi pro mâu hnoăng cheăng ki u ối vâ kum ăm kuăn pơlê pêi pro tro tiô hnoăng cheăng dêi kuăn pơlê tro tiô luât hiăng pơkâ.

{ă hnoăng cheăng dêi môi kong pơlê ối kơpong kong ngo, tíu ki tơku\m 43 hdroâng kuăn ngo rơtế rêh ối, hên pơlê cheăm a kơpong kố, kơpong ki pro pơlê nếo… Xua mê, tơdroăng hnê mơhno ‘na hneăng tâ ph^u rah xo châ khu kăn Đảng, khu kăn pơkuâ, Măt tra#n, mâu khu râ, kơvâ cheăng tí tăng ‘nâi ple\ng [ă to\ng kum khât. Tơdrơng ‘’Hbrâ ăm hneăng tâ ph^u rah xo kăn Kuo#k ho#i hneăng 14 [ă rah kăn Ho#i đông hnê ngăn rêm râ hneăng 2016-2021’’,  hiăng châ hên h^n khu hlá tơbeăng, im tivi, rơ’jíu dêi tơnêi têa [ă kong pơlê pêi pro, teăm tối tơbleăng, hnê mơhno tối mâu tơdroăng ki kuăn pơlê rêm hdroâng kuăn ngo vâ tí tăng ‘nâi ple\ng, tơpui leăng, mơnhên tối, tiâ mâu tơdroăng ki kuăn pơlê êng. Pôa Y Dêc H’Đơk, Kăn hnê ngăn Vi [an Măt tra#n tơnêi têa Việt Nam kong pơlê Dak Lak tối ăm ‘nâi: Sap apoăng dêi hneăng Măt tra#n tơnêi têa Việt Nam rêm râ hiăng k^ tơkêa mâu tơdroăng cheăng [ă 5 khu hnê ngăn ‘na tơdroăng cheăng kal kí pơlê pơla tung mê, ai tơdroăng ki tơru\m cheăng vâ pêi pro tơ-[rê má môi ‘na tâ ph^u rah xo kăn Kuo#k ho#i [ă mâu kăn Ho#i đông hnê ngăn rêm râ ai hnoăng cheă, môi tiah: Khu pơkuâ ngăn ‘na lêng hơnăm hiăng krâ, khu lo to\ng veăng, khu pơkuâ ngăn vâi kơdrâi, khu pơkuâ ngăn droh rơtăm mơhnhôk, hnê tối dêi khu, đoân viên dêi tơná kơhnâ tung hnê tối tơdroăng cheăng tâ ph^u rah xo, malối hnê tối ăm kuăn pơlê hlê ple\ng nhên ‘na tơdroăng tâ ph^u rah xo kăn. Xua ti mê, á loi tơngah rêm khu râ, kơvâ cheăng, rêm khu kô pơtối pêi pro klêi dêi hnoăng cheăng tơná, tơru\m tơtro, tơdrêng vâ hneăng tâ ph^u rah xo kăn tung la ngiâ tơniăn le\m.

Tâi tâng khu pơkuâ ngăn cheăng kal kí pơrá ‘no dêi hnoăng cheăng, ki rơhêng vâ tối [ă hiâm mơno kal kân khât dêi Vi [an Măt tra#n tơnêi têa rêm râ, hnoăng cheăng tâ ph^u rah xo khu kăn a Dak Lak hiăng [ă dế po tơtro tơdrêng tio luât tâ ph^u rah xo. Tâi tâng tơring cheăm tung kong pơlê xuân dế kơhnâ khât tung tơ’noăng pêi chiâk deăng, ‘no mơngế pêi cheăng mơjiâng thôn pơlê nếo, vâ khoh ai hnoăng cheăng hbrâ ăm hneăng tâ ph^u rah xo kăn dêi tơnêi têa [ă loi tơngah kô pêi pro hên tơdroăng cheăng ki nếo, ai pơxúa ăm kuăn pơlê, ăm tơnêi têa.

Nhat Lisa tơplôu [ă tơbleăng