Jâ Lưu Thị Quyên, ối a kơxo# hngêi 193/60, tôh kơpho# 6, bêng Tân Lập, pơlê kong kơdrâm {uôn Ma Thuột tối ăm ‘nâi: rơpo\ng rôe hngêi kố sap hơnăm 2004. Klêi kơ’nâi vâ chê 15 hơnăm rêh ối, tá hâi la lâi trâm tơdroăng têa kân lân lu.

Rơpâu met kho#i têa toăng a mâu klôh kế tơmeăm mơjiâng tôh kơpho# 4 hiu a kơtâu 193

A hâi lơ 17/9 kố nah, klêi kơ’nâi mâu roh kong mêi, têa toăng a tíu rơnâk a tôh kơpho# 4 hiăng hiu mot tung hngêi, pro tơhnâp hngêi mơdrah, hngêi hum [a\ hơpiâp pế pơchên hmê kơchâi, pro tro lu\p kân ‘na cheăng kâ.

Kuăn pơlê trâm pá xua ‘noăng kâng têa lu tro gu tah

Rơpo\ng tô tuăn xua mâu hâi la ngiâ tâng ai mêi kân, mê têa ing tíu kố kô pơtối hiu troh a hngêi kô pro rơ-iô ăm rơpo\ng.

Jâ Quyên tô tuăn:

‘’Vâi chiâ klôh trâu kong mêi kân têa hiu ôh tá teăm mê gá plế a kơpong kố. Hên hngêi tro tơhnâp hngêi mơdrah hngêi hum. Á tô tuăn ‘nâng, tâ akố ôh tá tơniăn. Á hiăng tâp kơ-[âng tơbleăng tê hngêi vâ lăm ối tíu ki ê. Tâi tâng mâu rơpo\ng hiăng pâ thế kơ koan cheăng laga tá hâi ai kơbố chu lăm tơleăng’’.

Hngêi hum mơdrah dêi kuăn pơlê a kơtâu 193 tro mơhiu

Rơtế môi tiah mê, pôa Nguyễn Thanh Phúc, ối a hngêi achê hngêi jâ Quyên xuân tô tuăn, tối ăm ‘nâi.

‘’Têa plế mot tung hngêi mơhiu tâi kế tơmeăm khoăng; hngêi mơdrah hngêi hum, trăng hngêi, mơnât rơheăng tâi. Ngin xâo lơ tơhnâp xua mê thế mung hngêi ối. Nôkố to lâi chat rơpo\ng a kơtâu kố mê kơmăng hlo kong mêi mê ôh tá kâi koi. Tâi tâng thế riu vâ ngăn têa hôm hiu mot tung hngêi lơ ôh vâ kâng tât. Tâng kong mêi kân ó tá rơnêu bro tíu a kơpêng mê, kô tơ’lêi tơhnâp hngêi. Ngin pói vâ mâu kơ koan ki tơdjâk tơleăng tơdroăng kố kum kuăn pơlê’’.

Kuăn pơlê tô tuăn xua tá hâi châ to\ng kum

Pôa Ngô Hồng Nhật, pho\ hnê ngăn Vi [an bêng Tân Lập, pơlê kong kơdrâm {uôn Ma Thuột tối ăm ‘nâi, klêi kơ’nâi ai tơdroăng kố, pôa hiăng rơtế 40 ngế kăn [o# lêng kuăn pơlê bêng chu ngăn to\ng kum xe\n mâu ngế krâ, vâi hdrêng rơtế kế tơmeăm troh a tíu ki tơniăn; tơdrêng amê, tơku\m xêo kế tơmeăm khoăng ki tro lu\p vâ pâ mâu kơ koan cheăng ai hnoăng ai troăng vâ to\ng kum kuăn pơlê.

‘’A tíu kơtâu 193 gá a’nâi tâ kơpong troăng kân xua mê têa hiu amê pro tơdjâk troh mâu rơpo\ng kuăn pơlê. Ngin xêo ngăn mê ai 5 rơpo\ng rơheăng mơnât, tơhnâp trá hngêi; 2 rơpo\ng ki ê mê tơhnâp tâi tâng hơpiâp pế pơchên hmê kơchâi [a\ mâu hngêi mơdrah hngêi hum. Ngin mơnhên kố cho tơdroăng ki râ ó. Kơ’nâi mê, Vi [an bêng hiăng mơjiâng ôh séa ngăn, lăm séa ngăn chêh mơ-éa pâ thế Tíu xiâm pơkuâ tơnêi kong pơlê Dak Lak ai troăng rơnêu tơdroăng ki têa hiu a kơpong hngêi kuăn pơlê a kơtâu 193 tôh kơpho# 6, troăng Nguyễn Văn Cừ vâ ví xía vâ, tro lu\p kuăn pơlê’’.

Kơtâu 193 troăng Nguyễn Văn Cừ ai hên mơngế krâ [a\ vâi hdrêng rêh ối

Tiô Tíu xiâm pơkuâ tơnêi tơníu kong pơlê Dak Lak, a tôh kơpho# 4 bêng Tân Lập nôkố ai péa tơdroăng tơkêa bro hngêi trăng. Tung mê, tơdroăng tơkêa bro hngêi trăng kuăn pơlê xua tíu xiâm pơkuâ mơ’no liăn mơjiâng pro hiăng pơtê mơjiâng pro sap khế 5/2019, xua tá hâi ai [a\ng tơnêi; ki ê cho tơdroăng tơkêa bro troăng Lê Vụ ối achê peăng xôp. Troăng kố xua Ko\ng ti pêi cheăng tiô rơnó mơjiâng troăng klông Hoàng Nam, ai tíu pêi cheăng a pơlê kong kơdrâm {uôn Ma Thuột dế mơjiâng pro.

Mâu rơpo\ng tô tuăn hiăng tâp kơ-[ăng tơbleăng tê hngêi vâ rêh ối tíu ki ê

Pôa Hồ Trung Dũng – Pho\ pơkuâ xiâm pơkuâ tơnêi pro tơmeăm kong pơlê Dak Lak mơnhên tối: Tíu xiâm hiăng tơdah tơbleăng tối dêi mâu rơpo\ng kuăn pơlê a kơtâu 193 troăng Nguyễn Văn Cừ, bêng Tân Lập tro têa ing troăng a tôh kơpho# 4 hiu mot tung hngêi kuăn pơlê pro tơ’nhê hngêi trăng, pro ôh tá tơniăn tơdroăng rêh ối, pro lu\p kân ‘na cheăng kâ.

Pôa Dũng tối ăm ‘nâi, klêi kơ’nâi séa ngăn, khu cheăng hiăng châ hlo hdrối mê Ko\ng ti Hoàng Nam hiăng xúa rơxế chiâ tâi tâng ‘noăng tơnêi kâng têa mêi xua mê chiâng ai tơdroăng kố. Tíu xiâm hiăng pro mơ-éa pâ thế Vi [an kong pơlê Dak Lak tơleăng khu tê mơdró kố; tơdrêng amê, pơkâ ko\ng ti thế ai troăng rơnêu [a\ ai troăng chêl thie#n ăm kuăn pơlê tơxâng.

Kong prâi a Dak Lak xuân dế ôh tá tơniăn, mâu roh kong mêi ôh tá ‘nâi hdrối xuân kân tâ mâu hơnăm hdrối, mâu rơpo\ng a kơtâu 193 troăng Nguyễn Văn Cừ, bêng Tân Lập xuân tô tuăn, ôh tá ‘nâi pro ti lâi.

Tuấn Long chêh

A Sa Ly tơplôu [a\ tơbleăng