VOV4.Sêdang - Khu pơkuâ ngăn vâi kơdrâi kong pơlê Dak Lak, Ko\ng an kong pơlê, Khu séa ngăn ‘na tơdroăng rak luât dêi kong pơlê [ă  Hngêi tơleăng kong pơlê nếo tơru\m po roh hôp mơgêi 1 hơnăm pêi hnoăng cheăng tơdjuôm ‘’Hnoăng cheăng kring vế vâi kơdrâi [ă vâi o kơdrâi dêi kong pơlê Dak Lak’’ pơla sap hơnăm 2019-2022. Mâu kăn hiăng vâ môi tuăn: Kal athế pơxâu phak kơtăng [ă thăm mơ’no mâu túa pơxâu phak [ă khu ngế ki pro xôi [ă vâi o kơdrâi.

Tiô tơdroăng ăm ‘nâi ing hneăng hôp, tung achê pơla kố, tơdroăng ‘nêk mơ’nêa, lông mơhnhôk, pro pơlăm pơlói vâi kơdrâi [ă vâi ‘ne\ng kơdrâi a mâu kong pơlê hlo rế hên. Pôa Nguyễn Xuân Hòa, Ngế xiâm pho\, Kăn xiâm séa ngăn arak luât kong pơlê Dak Lak tối tiah kố, tâi tâng kơxo#  roh, tơdroăng, ki kân ku\n dêi tơdroăng mê, hiăng pro hên ngế tô tuăn hêng hôu [ă kuăn pơlê tơmiât hmôu pơ xâu, la tơdroăng hbrâ mơdât, tơleăng mơnhên trâm hên tơdroăng pá:

‘’Mâu tơdroăng ki ‘nêk mơ’nêa, lông mơhnhôk, pro pơlăm pơlói vâi kơdrâi [ă vâi ‘ne\ng kơdrâi, malối pro pơlăm pơlói a vâi kơdrâi [ă vâi o kơdrâi mê tơdroăng tí tăng ‘nâi nhên vâ rup tơleăng pơxâu phak trâm hên xahpá. Hmâ hlo mâu tơdroăng ki mê vâi pro a tíu ki oh tá ai mơngế, ‘nâ hía bú ai to mâu ngế ki ‘mêi tê [ă mâu ngế ki ‘nêk, pro pơlăm pơlói. {ă mâu tơdroăng ki tiah mê châ tối tơbleăng tơdrêng mê, tơdroăng tí tăng ‘nâi xiâm gá, xúa pơkâ luât săm phoăng, săm tơkêng vâ tơleăng mơnhên mê kô tơ’lêi hlâu tâ. 

La xuân ai mâu tơdroăng ki ‘nâ ai hên tơdroăng ki xiâm gá mơngế ki tro ‘nêk mơ’nêa, ki tro khu ‘mêi lông pro pơlăm pơlói mê ôh tá tối tơbleăng săm phoăng tơdrêng mê tơdroăng vâ tăng ‘nâi ple\ng  xiâm gá, tíu gá, tơmeăm ki mơnhên vâ tơleăng mơnhên chiâng trâm hên xahpá. Tơdroăng ki vâ tối tơchoâm mâu ki xôi la lâi vâi xuân kơtôa dêi tơdroăng xôi’’.

Kăn hnê ngăn mâu tíu pêi cheăng pơkuâ tơpui tơno

Hlo rế tâk hên tơdroăng khu ‘mêi ‘nêk mơ’nêa pro, lông, pro pơlăm pơlói vâi kơdrâi [ă vâi ‘ne\ng kơdrâi, tung lối 1 hơnăm tơbleăng pêi tơdroăng tơru\m [ă, mâu kơ koan a Dak Lak hiăng mơdêk hnoăng cheăng hnê tối, tơbleăng luât ăm kuăn pơlê, thế tơmâng ngăn khât vâi kơdrâi [ă vâi ‘ne\ng  ki ối a kơpong hngế hngo, hnê ‘na luât ăm kuăn pơlê, tơmâng khât troh vâi kơdrâi [ă vâi ‘ne\ng kơdrâi ki ối a pơlê cheăm hngế hngo, kơpong hdroâng kuăn ngo [ă mâu cheăng tung kong tơru\m [ă tơleăng 109 tơdroăng.

Khu ngăn vâi kơdrâi rêm râ pơtối rak vế pêi pro, po rơdâ ‘’Hbrâ hnê ‘na luât tê kơtê’’ hnê tung Facebook [ă khu hnê tối ăm kuăn pơlê a mâu pơlê cheăm. Tung hơnăm hiăng tơku\m po 94 hâi hnê tối ‘na luât ăm lối 10 rơpâu 300 hdroh ngế vâi kơdrâi [ă vâi ‘ne\ng kơdrâi.

Tơpui tơno ‘na mâu tơdroăng ki u ối, ki tơvâ tơvân [ă tối tơbleăng pêi pro vâ  tơkâ luâ xahpá tung tơdroăng tơbleăng pêi mâu tơdroăng tơru\m kring vế vâi kơdrâi [ă vâi ‘ne\ng kơdrâi, mâu kăn vâ môi tuăn [ă troăng hơlâ thế pêi pro re\ng, pro kơtăng tung tơdroăng tơleăng mâu ngế ki pro xôi luât, pơxâu phak kơtăng hlối xúa tơ’nôm luât pơxâu phak tiô tơdroăng ki pơkâ dêi Luât vâ hnê, mơdât.

Pôa Nguyễn Xuân Hòa, Ngế xiâm pho\, Kăn xiâm séa ngăn arak luât kong pơlê Dak Lak tối tơbleăng a hneăng hôp

Tung la ngiâ, rêm pâ veăng pêi mâu tơdroăng tơru\m kal pêi pro tro tâ nếo mâu hnoăng cheăng, troăng hơlâ pêi tiô tơdroăng hiăng k^, mơdêk tơpui tơno hnê tối tung pơla tơleăng mơnhên mâu tơdroăng. Jâ Nguyễn Thị Thu Nguyệt, Kăn xiâm hnê ngăn Khu ngăn vâi kơdrâi kong pơlê Dak Lak tối mâu tơdroăng:

‘’4 kơvâ cheăng ai mâ ngăn ‘nâi nhên mâu tơdroăng ki pá, tơvâ tơvân dêi tơná tung tơdroăng hnê mơhno, tơbleăng pêi vâ ing mê ai mâu tơdroăng ki ‘nâ vâ rơnêu ki hâi teăm tro tah lôi tơdroăng ki oh tá tro, hriâm ki nếo [ă hlối pơkâ troăng hơlâ pêi pro ki tro tâ, hnê mơhno ăm kơvâ cheăng dêi tơná pơtối tơbleăng nhên tâ tơdroăng tơru\m pêi. Ai mâu tơdroăng pâ thế tối ăm rêm râ kơvâ cheăng ki ai tơdjâk troh kơpêng vâ ai troăng hơlâ tah ki xahpá, tơleăng mơnhên mâu tơdroăng ki pá tơvâ tơvân tung tơdroăng pêi pro tơru\m [ă, veăng tăng troăng kơdroh mâu tơdroăng xôi [ă ki lơ pro xôi luât ki tơdjâk troh vâi kơdrâi [ă vâi ‘ne\ng kơdrâi, ki pơxúa vâ kring vế vâi kơdrâi [ă vâi ‘ne\ng kơdrâi tung pơla nôkố’’ .

H’Xíu H’Mok chêh

Gương tơplôu [ă tơbleăng