VOV4.Sêdang - Troh nôkố kong pơlê Dak Lak hiăng pêi klêi tơdroăng ki bruô ăm hlá mơ-éa hnoăng rak xúa tơnêi ăm khu pơkuâ cheăng, nôkố dế mơdêk re\ng tơdroăng ki mơnhên ăm hnoăng rak xúa tơnêi ăm mâu rơpo\ng, mâu ngế krê.

Lâp kong pơlê hiăng bruô 90% hlá mơ-éa hnoăng rak xúa tơnêi ki a poăng ăm mâu rơpo\ng, mâu ngế krê ki ai tu\m tơdroăng châ mơnhên rak xúa.

Dak Lak mơ-eăm troh tâi hơnăm kố kô bruô tơ’nôm 10 rơpâu ha/42 rơpâu ha tơnêi ki u ối ăm mâu rơpo\ng, mâu ngế krê [ă kô pêi klêi hnoăng cheăng kố a hơnăm 2020.

Pơlê kong kơdrâm {uôn Ma Thuột cho pơlê kong kơdrâm pêi klêi re\ng má môi tơdroăng ki bruô ăm hlá mơ-éa ai hnoăng rak xúa tơnêi, tung mê, {uôn Hồ cho pơlê kong krâm ki ối ai hên hô sơ tá hâi châ pơkâ tơleăng.

Vâ mơ’dêk re\ng tơdroăng ki bruô ăm hlá mơ-éa hnoăng rak xúa tơnêi Khu ngăn ‘na kế tơmeăm khoăng tung têa, a tơnêi [ă hyôh kong prâi kong pơlê Dak Lak hiăng tối tơbleăng mâu hlá mơ-éa ki kal chêh pro, kơdroh hâi khế bruô ăm ph^u khêi sap ing 30 chu ối 14 hâi, pêi pro hnoăng cheăng tơdjuôm tơdah xo tơdrêng ing mâu măng internet tung kơvâ cheăng kố.

Katarina Nga tơplôu [ă tơbleăng