VOV4.Sêdang - Hlo tơdroăng dêi pơreăng Covid -19 dế tâ tú, tơdroăng rêh ối ôh tá tơniăn, Khu ngăn pơkeăng [ă khăm pơlât kong pơlê Dak Lak hiăng tí tăng ‘nâi ple\ng ăm Vi [an hnê ngăn kong pơlê Dak Lak mơjiâng tíu xiâm klâ ối krê tơku\m vâ tơdah xo mâu ngế ki prếo sap ing kơpong ki ai pơreăng. Tiah mê, Vi [an hnê ngăn kong pơlê kô xo Tíu xiâm hnê hriâm dêi Ko\ng an kong pơlê a 33 Hà Huy Tập, pơlê kong kơdrâm {uôn Ma Thuột vâ pro Tíu xiâm klâ ối krê tơku\m.

Tiô tối hdrối, tíu xiâm kô pơxiâm pêi cheăng sap ing hâi lơ 10/3 [ă ai 200 to xoăng pơlât vâ tơdah mâu ngế ki prếo sap ing kơpong ki ai pơreăng môi tiah Hàn Quốc, Sinuâ [ă mâu kong têa châu Âu. ‘Na mâu ngế cheăng, Khu ngăn pơkeăng [ă khăm pơlât kong pơlê Dak Lak kô pơtroh mâu ngế dêi kơvâ, tơdrêng amê hnối tơru\m [ă khu Ko\ng an vâ rak tơniăn hnoăng cheăng kring vế tơniăn.

Vâ pêi pro tiô tơdroăng pơlât ăm Tíu xiâm klâ ối krê tơku\m xuân môi tiah ăm hnoăng cheăng hbrâ mơdât pơreăng Covid -19 tung lâp kong pơlê, Vi [an hnê ngăn kong pơlê hiăng ‘no 53 rơtal liăn vâ roê kế tơmeăm khăm pơlât, trếo pơkeăng.

Katarina Nga tơplôu [ă tơbleăng