Tung hâi ki hôp mâu nôu pâ vâi muăn apoăng hơnăm, ai môi ngế pâ dêi vâi muăn hriâm a Hngêi trung Mầm non Sơn Ca, pơlê kân Liên Sơn, tơring Lak, kong pơlê Dak Lak khéa kho drêng hơnăm hriâm kố hngêi trung ai mơ’no tối ‘na tơdroăng ki thế nâp liăn, môi tiah: mơhá liăn khế ăm mơngế kơpuih văng, xut mơgrúa tung lâm, tung hngêi trung, mơhá liăn khế ăm mâu ngế ki păn roăng rak ngăn vâi hdrêng, rak ngăn vâi ‘ne\ng a kơhâi dế lối 1 rơtuh liăn (tá hâi teăm tối xo liăn dêi khu teăng mâ nôu pâ hok tro).

Tung mê, tơdroăng ki xo liăn ôh tá tro tơdroăng, mê cho mơhá liăn khế ăm thái cô ki rak ngăn ai 350 rơpâu liăn 1 hok tro 1 hơnăm. Tiô môi ngế pâ dêi hok tro ki kố tối, nôu pâ hok tro ôh tá chiâng ai hnoăng mơhá liăn khế ăm thái cô dêi hngêi trung tơnêi têa:

‘’Ôh tá khoh chiâng ai tơdroăng môi to hngêi trung dêi tơnêi têa mê nôu pâ vâi hdrêng athế ‘no liăn mơhá ăm thái cô kâ rêm khế. Tâng hngêi trung ôh tá bê thái cô vâ hnê, lơ păn roăng, rak ngăn mê athế kơdroh lâm hnê, pôi tá ăm ai tơdroăng ôh tá bê thái cô mê pơklât nôu pâ hok tro athế ‘no liăn mơhá ăm thái cô, tơdroăng kố tá hâi tơtro [ă hiâm mơno ngin, ngin ôh tá vâ môi tuăn’’.

A hngêi trung Mầm non Sơn Ca, cô Đặng Thị Thu Sương, Pơkuâ ngăn Hngêi trung tối ăm ‘nâi, hơnăm hriâm kố, hngêi trung ai 130 ngế muăn, châ xing xoăng hriâm a 4 to lâm, la bu ai 4 ngế cô ki châ [iên che# [ă 2 ngế cô ki hơp đong. Tiô tơdroăng kơxo# 06, [ă lâm mauh yăo hriâm 2 hdroh 1 hâi, bú chiâng phêp ăm vâ hên ó ai 2,2 ngế cô hnê 1 lâm, la xuân ôh tá bê pá 2 ngế cô nếo. Tơdroăng ki ôh tá bê cô hnê hiăng ai hên hơnăm kố, mâu hơnăm hriâm hdrối nah, mâu vâi cô hiăng mơhnhôk dêi pó veăng kum dêi pó hnê, la ôh tá kâi pêi klêi hnoăng cheăng, ing mê, chiâng tơdjâk troh tơdroăng păn roăng, rak ngăn vâi hdrêng, tơdjâk troh ivá cheăng dêi mâu vâi cô.

Chôu kâ hmê kơhâi dế dêi mâu vâi muăn a Hngêi trung mầm non Sơn Ca, pơlê kân Liên Sơn, tơring Lak (Dak Lak).

Vâ tơniăn ăm tơdroăng hnê mơhno, păn roăng rak ngăn vâi hdrêng sap ing 6 chôu 45 phut troh 17 chôu rêm hâi, hngêi trung hiăng tơru\m [ă mâu nôu pâ xo 350 rơpâu liăn 1 hok tro 1 hơnăm hriâm vâ mơhá ăm 2 ngế cô, [ă kơlo ki mơhá ăm rêm ngế cô ai 2 rơtuh 500 rơpâu liăn 1 khế. Cô Đặng Thị Thu Sương tối ăm ‘nâi, Hngêi trung hiăng pơkâ ‘na tơdroăng ki xo liăn kố vâ thế mâu nôu pâ veăng tơrá liăn mơhá liăn khế ăm mâu vâi cô, ôh tá ai troăng hơlâ ki ê:

‘’Hơnăm ki lâi xuân môi tiah mê, akố lăm tăng xo vâi muăn mot hriâm, pơkâ po ai to lâi to lâm hriâm, mâu vâi cô athế tơkôm, la lâi khu pơkuâ ngăn Hngêi trung xuân tơkôm ti mê, tơkôm hiăng châ 4 - 5 hơnăm kố, vâ tối păng ‘nâng, Hngêi trung hiăng kơdo mơ-eăm tâi ivá cheăng to lâi hơnăm kố, la nếo achê pơla kố ai hlá mơ-éa kơxo# 1038 dêi Khu ngăn ‘na hnê hriâm [ă hnê mơjiâng tơdroăng rơkê dêi kong pơlê pơtroh ăm ngin, [ă mâu hngêi trung ôh tá hâi ai tu\m [iên che# xuân chiâng mung thái cô tiô tơdroăng ki tơru\m tơno [ă mâu nôu pâ hok tro, vâ nôu pâ hok tro mê ah ki veăng tơrá liăn, ăm mâu cô kâ liăn khế ing kơxo# liăn ki nôu pâ hok tro tơrá mê’’.

Tiô pôa Phạm Đăng Khoa, Kăn pơkuâ Khu ngăn ‘na hnê hriâm [ă hnê mơjiâng tơdroăng rơkê kong pơlê Dak Lak tối, pêi pro tiô hlá mơ-éa pơkâ kơxo# 06, ai pơkâ ai 2,2 ngế cô mầm non 1 lâm mê Dak Lak dế kố ối ôh tá bê pá 1.000 ngế cô ki hnê [ă 1.400 ngế kăn [o# cheăng. Dế nôkố, ai 80 kơxo# liăn ki mơhá ăm tơdroăng hnê hriâm, vâ mơhá liăn khế, ki u ối cho vâ pro mâu tơdroăng ki ê. Ki păng ‘nâng kơxo# liăn ki ‘no kố hmâ hlo ga iâ tâ.

Tơ’nôm pá môi tơdroăng ki pá ê nếo, rêm hơnăm Khu xiâm ngăn ‘na cheăng kăn [o# pơrá kơdroh [iên che#, tung pơla mê, tơdroăng pơkâ tung kơvâ hnê hriâm xuân athế rak tơniăn kơxo# thái cô ki hnê tung lâm. Ing tơdroăng kố khoh chiâng tơdjâk troh mâu kong pơlê, pơlê kong kân, tung mê, ai tá kong pơlê Dak Lak xuân tơdjâk drêng pêi pro tiô tơdroăng kơxo# 06. Pôa Phạm Đăng Khoa tối ăm ‘nâi, vâ kum kơdroh lôi ki pá puât kố ăm mâu hngêi trung ki hnê 1 hâi ai 2 hdroh kố, mê tơdroăng ki mơhnhôk rêm khu râ, kơvâ cheăng veăng tơrá liăn ngân vâ mơhá liăn khế ăm mâu thái cô ki hnê tung hngêi trung dêi tơnêi têa, cho tơdroăng ki kal athế pêi pro:

‘’Tung pơla tơkôm tơdroăng pơkâ ki nếo dêi Khu xiâm ngăn ‘na cheăng kăn [o# mê peăng Khu ngăn ‘na hnê hriâm [ă hnê mơjiâng tơdroăng rơkê dêi kong pơlê, ngin ai hnê tối ăm mâu tơring cheăm ki lâi dah chía ai ivá xuân chiâng mơhnhôk thế rêm khu râ, kơvâ cheăng veăng tơrá liăn ngân, ing mê, nếo ai ivá vâ xo tơ’nôm thái cô mot hnê, vâ kơ ai tu\m kơxo# thái cô ki hnê, mâu kăn [o# cheăng a mâu hngêi trung mầm non. {ă mâu hngêi trung ki ối a kơpong hơngế hơngo, kơpong kơtiê xơpá pơrá athế veăng tơrá liăn ngân veăng kum ăm tơdroăng hnê hriâm, mê ngin xuân kơjo kum ăm mâu thái cô lăm hnê a mâu pơlê cheăm ối kơpong hơngế hơngo’’.

Tâng tâi tâng mâu Hngêi trung mầm non a kong pơlê Dak Lak pơrá veăng tơrá liăn ngân tiô túa ki pơkâ pêi pro, mê rêm hơnăm tâi tâng kơxo# liăn ki châ xo vâ iâ hlái xuân tâk troh 48 rơtal liăn ing mâu nôu pâ, rơpo\ng hngêi dêi hok tro. Tung mê, ai hên rơpo\ng hok tro cho kơtiê xơpá, kơpong má lối xơpá. Tâng tơdroăng kố ôh tá re\ng châ to\ng kum, mê mơni kô ối pá puât ó ăm mâu nôu pâ hok tro tung mâu hơnăm hriâm la ngiâ.

Hương Lý chêh

Nhat Lisa tơplôu [ă tơbleăng