Pu\n hơlâ troăng ví peăng mâ hâi luô pơlê kong kơdrâm {uôn Ma Thuột [a\ troăng Phạm Ngũ Lão mot a tíu xiâm pơlê kong kơdrâm {uôn Ma Thuột hdrối nah cho môi tung hên ‘’tíu ôh tá tơniăn’’ ‘na tơklâm rơxế. Ngoh Bùi Văn Lương, hngêi ối a pu\n hơlâ troăng ví peăng mâ hâi luô – Phạm Ngũ Lão, châ hlo hên roh tơklâm rơxế a kơpong kố tối ăm ‘nâi:

‘’Roh tơklâm rơxế ki lâi á xuân hlo, ki hên cho rơxế kơtâu peăng tá troăng rơnâk, kơtah kơhăm. Nếo hdrối têt ai roh tơklâm rơxế kơthung kơtâu klâm a rơxế 3 to chêng pơto kơphế pro môi ngế hlâ’’.

Roh tơklâm rơxế râ ó a troăng kân ki ví peăng mâ hâi luô pơlê kong kơdrâm {uôn Ma Thuột

Tơdroăng tơkêa bro troăng ví peăng mâ hâi luô pơlê kong kơdrâm {uôn Ma Thuột, kong pơlê Dak Lak ăm xúa apoăng hơnăm 2017, [a\ ki xo\n vâ chê 14 km. Tiô tơbleăng dêi Khu rak tơniăn troăng prôk [a\ rơxế kơtâu kong pơlê Dak Lak, sap ing ăm xúa, a troăng kố hiăng ai 15 roh tơklâm rơxế ki râ ó, pro hlâ 10 ngế, tro rong 8 ngế, chât toăng rơxế tơ’nhê tâk troh vâ chê 10 rơtal liăn.

Pôa Bùi Văn Ngọc, Kăn pơkuâ [ơrô Rak tơniăn troăng prôk [a\ rơxế kơtâu kong pơlê Dak Lak tối ăm ‘nâi, drêng ai tơdroăng kố, mê khu cheăng tơru\m [a\ kơvâ cheăng kong pơlê pêi pro hên túa vâ rơnêu mâu ‘’tíu troăng ki ôh tá tơniăn’’ ‘na tơklâm rơxế a troăng kân kố. Ki nhên cho krâ kơ-[âng tơbleăng hnê troăng a troăng kân kố, xông mơngiơk rêm troăng ki ăm phêp prôk, krâ ven a mâu troăng ki ving vo\ng a mâu troăng ki hơlâ dêi pó ôh tá phuâng le\m. Kơnôm mê, mâu ‘’tíu troăng ôh tá tơniăn le\m’’ ‘na hmâ tơklâm rơxế châ xut tah, tơdroăng tơklâm rơxế kơdroh hên.

‘’Tơmeăm hnê prôk troăng hiăng châ krâ a troăng kân kố hiăng kêi đeăng tâi tâng. Khu pơkuâ rak tơniăn troăng prôk [a\ rơxế kơtâu kong pơlê pơtối pơtâng tối, tơbleăng troh kuăn pơlê veăng prôk troăng. Khu pơkuâ rak tơniăn troăng prôk [a\ rơxế kơtâu kong pơlê xuân hiăng ai mơ-éa pơkâ mâu kơ koan cheăng, khu kán sat rak tơniăn troăng prôk [a\ rơxế kơtâu, [a\ khu séa ngăn troăng prôk đi đo lăm séa ngăn, vâ kơdroh tơklâm rơxế, ki rơhêng vâ tối cho troăng kân ki ví peăng mâ hâi luô’’.

Môi rơxế pơto kơthung klâm rơxế pơto tơmeăm pêi lo ing chiâk deăng a troăng kân ki ví peăng mâ hâi luô pơlê kong kơdrâm {uôn Ma Thuột

Khu rak tơniăn troăng prôk [a\ rơxế kơtâu kong pơlê Dak Lak xuân pơchân tối, sap ing khế 2 hơnăm kố, mâu rơxế pơto tơmối ai 30 tíu ‘nân [a\ rơxế pơto tơmeăm lối 10 ta#n tâng prôk a troăng tung pơlê kong kơdrâm pakong chôu ki pơkâ kô pơxâu phâk. Xua mê, rơxế kơtâu a troăng ki ví peăng mâ hâi luô pơlê kong kơdrâm {uôn Ma Thuột tâk hên. Rơtế [a\ mâu túa kih thuât dêi kơvâ cheăng, mơngế prôk a troăng kố kal kơchăng, séa ngăn, prôk tiô luât troăng prôk [a\ rơxế kơtâu, vâ kơdroh tơklâm rơxế./.

Tuấn Long chêh

A Sa Ly tơplôu [a\ tơbleăng