VOV4.Sêdang - Vi [an hnê ngăn kong pơlê Dak lak hiăng pêi klêi hlá mơéa ‘na tơdroăng ki pơtối tối tơbleăng mâu troăng hơlâ hbrâ mơdât pơreăng Covid-19 tung tơdroăng nếo.

Mâu [ok, thái pơkeăng troh a hngêi kuăn pơlê khăm ngăn ‘na pơreăng

Tơdroăng ki kal rơhêng vâ tối mê cho Vi [an hnê ngăn kong pơlê pơkâ thế pơtối pơtê mâu tơdroăng ki po mơd^ng, po tơku\m khôp, tơ’noăng ivá, tơku\m po mâu tơdroăng ki tơku\m krâm mơngế a tíu rêh ối tơdjuôm, plông kơtu [a long [ă mâu tơdroăng ki tơku\m po kân ki ôh tá kal; pơtê mâu tơdroăng ki tê mơdró ôm hyô ôh tá kal môi tiah xah hêi, tíu ki pro le\m ăm châ, karaoke, tíu ki tơku\m po hơdruê, kâu lak [o# kơhnhon xuâng, tíu ki mơdah phim, tíu ki po ngăn internet tơdjuôm, tíu ki xah hên ‘na đie#n tưh, tơdroăng ki xah hêi châ kâ tơmeăm.

Tơdroăng cheăng pơto chơ tơmối tơkâ luâ kong pơlê ki ê, tung kong pơlê xuân hiăng pơxiâm châ po nếo, la athế pêi pro mâu troăng hơlâ hbrâ mơdât pơreăng.

Katarina Nga tơplôu [ă tơbleăng