VOV4.Sêdang - Khu rak ngăn kơchơ tê mơdró Dak Lak hiăng pơkâ mơ’no tơdroăng ki pơxâu liăn ai 110 rơtuh [ă 2 tíu ki tê mơdró ‘ngré têa châu têa kơxăng xua ôh tá pêi pro tơdroăng ki kơdroh yă têa kơxăng tiô pơkâ. Tiah mê, bu tung pơla 1 khế hdrối kố nah, Dak Lak hiăng châ hlo, pơxâu phak lối 10 ngế pro xôi ‘na tê mơdró têa châu têa kơxăng a kong pơlê, nâp liăn lối 1 rơtal. 2 tíu mơdró ki nếo tro Khu rak ngăn kơchơ tê mơdró Dak Lak pơxâu phâk liăn cho tíu tê mơdró ‘ngré têa châu têa kơxăng Toàn Thịnh Phát [ă tíu tê têa châu têa kơxăng Đức Năng 1 a tơring }ư\ Mgar.

Khu rak ngăn kơchơ tê mơdró Dak Lak, ăm ‘nâi, rơtế [ă tơdroăng pơxâu phâk liăn, séa ngăn tung rôh séa ngăn, mâu tíu tê têa châu têa kơxăng kố ối châ xo liăn ki pơxúa ôh tá tro luât kơnôm ing pro hơ’leh yă tê têa kơxăng têa châu sap ing 15 chôu hâi lơ 13/4. Tiô khu rak ngăn kơchơ tê mơdró Dak Lak, sap ing apoăng hơnăm kố, tơdroăng ki pro xôi tung kơvâ tê mơdró têa châu têa kơxăng a kong pơlê hlo ôh tá tơniăn. Tung mê, ôh tá nâp hnoăng liăn mơhá dêi mâu khu mơdró kâ xiâm drêng ăm kế tơmeăm troh a mâu tíu tê mơdró ‘ngré la ôh tá chêh đơn.

Katarina Nga tơplôu [ă tơbleăng