Tung mâu hâi vâ chê Têt Lo hơnăm nếo Mậu Tuất 2018, kơpong thôn 1, cheăm C|ư Suê, tơring C|ư Mgar hlo hiăng chía tơniăn, tá ai tơdroăng klâi. Pôa Nguyễn Thanh Sơn, ối a thôn 1, cheăm C|ư Suê, tơring C|ư Mgar ăm ‘nâi, bú dâng tơdế hơnăm hdrối, kơpong kố cho tíu ki oh tá tơniăn, ai to mâu ki tong tơmeăm, tong chó, tong krí plâi kơphế ối kơbâng, tong tiu a chêk, hlo ai đi đo.

Mâu ki tong mê vâi hmâ tơku\m dêi rơpó xah [ai kâ liăn a chiâk deăng dêi kuăn pơlê mê kuăn pơlê ki rêh ối tung kơpong đi đo tô tuăn, ối oh tá tơniăn. La klêi kơ’nâi khu râ pơkuâ cheăng tơku\m tăng rup mâu ki xah [ai kâ liăn hên a mơ’nui khế 6 hơnăm nah tơdroăng kố hiăng oh tá hlo xếo. Pôa Nguyễn Thanh Sơn tối:

‘’Hdrối nah, thôn 1 đi đo hlo ai khu xah [ai kâ liăn hên ‘nâng pro kuăn pơlê ngin ki ai chiâk deăng tung kơpong kố chiâng tô tuăn. Kơ’nâi mê, khu lêng ko\ng an rup mâu ngế xah [ai a pơla ki mê troh nôkố, kuăn pơlê ngin lăm a chiâk pêi cheăng hiăng tơniăn môi tiah hdrối nah. ‘Na mâu ki tong tơmeăm, xah [ai kâ liăn ôh tá hlo ai xếo’’.

Sap apoăng hơnăm troh nôkố, a cheăm C|ư Suê, tơring C|ư Mgar hiăng ai 9 hdrôh vâi xah [ai kâ liăn, tung mê mâu ki xah [ai ki hên xah môi tiah: lô đề, hơ‘ngrâu điah, xah [ai, pe#ng ká [ă đie#n tưh. Khu râ pơkuâ cheăng hiăng châ rup hr^ng ngế, xo hên tơmeăm ki kơnâ, malối cho rôh tơku\m xah [ai ki hên [ă tơdroăng hơ ‘ngrâu điah a mơ’nui khế 6 hơnăm 2017. A kơpong chiâk mơ’nui dêi thôn 1, khu ko\ng an hiăng châ rup vâ chê 100 ngế, xo lối 350 rơtuh liăn, 16 toăng rơxế ô tô, 2 toăng rơxế mái [ă lối 50 rơtuh to phôn râng ko\ng.

Đăi u\i Nguyễn Mạnh Hưng, kăn ko\ng an cheăm C|ư Suê, tơring C|ư Mgar ăm ‘nâi, mâu ki mê tơku\m xah [ai đi đo hbrâ nhên mâu troăng hơlâ ki ví [ă khu râ pơkuâ cheăng, ví mâu ko\ng an. Mâu ki mê xúa kơpong chiâk vâi ki ai tíu tơkăng pro pá vâ châ hlo, [ă xah ôh tá tiô chôu phut, hâi khế mê pá vâ châ ‘nâi. Mâu tíu tơku\m xah [ai kâ liăn xuân ai ngế gak ngăn, ăm mâu ngế râng phôn vâ tơbleăng, krâ ‘măn camera xup ngăn, vâi re\ng châ hmuâ. Đăi u\i Nguyễn Mạnh Hùng ăm ‘nâi:

‘’Ki pá má môi cho tíu tơku\m xah [ai dêi mâu ki mê cho a chiâk deăng, k^ng long têa hơngế ki kơpong achê chiâk deăng. Má 2 nếo, tâi tâng mâu ki xah [ai mê cho mâu ki ối a tơring cheăm ki ê troh lăm xah, pá vâ ‘nâi, vâ mơnhên hdró kơpong ki ai vâi xah sap ing hâi apoăng. Má 3, mâu ki veăng xah [ai ai hên ngế, mâu hiăng krâ ai, mâu vâi ‘ne\ng xuân ai, kơdrâi kơnốu xuân ai, mê tơdroăng vâ pro ngăn hồ sơ trâm hên tơdroăng pá’’.

Tiô tối tơbleăng dêi Ko\ng an kong pơlê Dak Lak, tung hơnăm 2017, khu ko\ng an hiăng pro tơ‘nhê 176 hdroh khu xah [ai kâ liăn, rup 1.237 ngế, xo lối 1 rơtal 700 rơtuh liăn rơtế [ă hên tơmeăm ki ê kơnâ môi tiah: ô tô, rơxế hon đa, phôn râng ko\ng, camera, kơmăi tính [ăng ko\ng [ă hên ki ê. ‘Na kơxo# [ă mơngế ki xah rế tâk hên dâng 10% tâng vâ pơchông [ă hơnăm 2016.

Đăi tă Nguyễn Văn Bôn, kăn [ơrô ngăn ‘na tơleăng phâk ko\ng an kong pơlê Dak Lak ăm ‘nâi, vâ mơdât troh tah tơdroăng xah [ai kâ liăn a rôh Têt Lo hơnăm nếo 2018, la ngiâ rơtế [ă tơdroăng mơdêk hnoăng cheăng séa ngăn, khu lêng ko\ng an kong pơlê kố mơdêk tơru\m [ă mâu khu râ kơvâ cheăng, mâu khu tơru\m cheăng hnê tối ăm kuăn pơlê pôi tá veăng xah [ai, mơhnhôk tăng hên ngế, rơxế, tơmeăm lăm tăng rup vâ pôi tá ai tíu tơku\m xah [ai ki pro oh tá tơniăn.  

Pak^ng mê, đi đo tơku\m séa ngăn a mâu tơring, pơlê krâm, pơlê kong kơdrâm, séa ngăn, chêh inâi mâu ngế, troăng khu xah, mâu  ki hmâ xah, tíu tơku\m xah lô đề, tơ’noăng kâ liăn ing kơtú [a long [ă hên ki ê vâ pro hlá mơ-éa chêh tơdroăng mơ-eăm tơplâ mơdât, tah lôi tíu ki mê, khu ki pro ôh tá tơniăn. Pak^ng mê, mơdêk hnoăng cheăng séa ngăn a mâu tíu ki rơ-iô ai mâu ki tong, mâu ki xah [ai, mâu ki pâk chik, malối cho a mâu hngêi ăm kâ koi ối pơtê, mâu tíu mơdró kâ ôu, tíu tê mơdró kơ phế ai tơbleăng ngăn kơtú [along, Internet [ă hên ki ê. Đa\i tă Nguyễn Văn Bôn ăm ‘nâi:  

‘’Tung rêm roh Têt, [ă rơpo\ng hngêi pú hmâ, hmâ ai tơdroăng xah hêi [ă tơdroăng xah [ai. Mâu rôh ki ai khu xah [ai kâ liăn mê ngin kô tơku\m po tăng rup vâ pơxâu phâk. Tơdrêng amê, mơjiâng tơdroăng pơkâ tơku\m tơplâ mơdât ki xiâm’’.

Tơdrêng [ă tơdroăng pêi cheăng tăng rup dêi khu lêng ko\ng an kong pơlê Dak Dak, Tíu séa ngăn arak luât [ă hngêi tơleăng rêm râ a Dak Lak kal thế pơkâ rup, pơxâu phak mâu rôh xah [ai i lo tơleăng  tơbleăng ăm hlo, rup tro mơngế, tro tơdroăng xôi, tro tơdroăng pơkâ dêi luât vâ hnê tối. Pak^ng mê, thăm mơdêk tâ nếo tơdroăng hnê tối ăm mâu kuăn pơlê, hnê mâu kuăn ‘ne\ng hlê ple\ng pôi tá xah [ai kâ liăn vâ tơdroăng xah [ai a Dak Lak châ tah, kơdroh lôi.

Tuấn Long chêh

Gương tơplôu [ă tơbleăng