VOV4.Sêdang - Khu kăn pơkuâ Tíu xiâm hbrâ mơdât pơrea\ng kong pơlê Dak Lak tối ăm ‘nâi, tung kong pơlê nếo châ ‘nâi 1 ngế hlâ xua tơngê lo mơheăm. Ngế ki hlâ cho muăn Đỗ Minh Thư, kot mâ hơnăm 2012, ối a thôn 4, cheăm Ea Lê, tơring Ea Súp.

Tiô hô sơ chêh tối tơdroăng tơngê, hâi lơ 10/10/2019, muăn ki hlâ mê tơngê râ đi đo. Klêi kơ’nâi 2 hâi pơlât a hngêi ôh tá prêi, hâi lơ 12/10, nôu pâ djâ ngế muăn mê pơlât a Tíu xiâm pơlât tơring Ea Súp laga ôh tá prêi.

Hâi lơ 16/10, muăn ki mê mot pơlât a kơvâ pơlât Hồi sức cấp cứu Nhi – Sơ sinh, hngêi pơkeăng kân kơpong Tây Nguyên drêng hiăng râ, chêng ko\ng hngiú, kơtêi séa ngăn ôh tá hlo tơdro xếo. Akố, mâu [ok thái pơkeăng tối muăn tơngê lo mơheăm Dengue ki râ, hiăng ton hâi má 6. Troh 6 chô kơxê rơtế hâi mê, rơpo\ng pâ djâ muăn vêh a hngêi, kơ’nâi mê hiăng hlâ drô troăng vêh ngi hngêi.

Troh nôkố, a kong pơlê Dak Lak hiăng châ hlo 20 rơpâu 740 ngế tơngê lo mơheăm hiăng ai 4 ngế hlâ xua tơngê lo mơheăm.

A Sa Ly tơplôu [ă tơbleăng