Rôh ko ‘nhiê kong dế pro kuăn pơlê rơhêng vâ ‘nâi ple\ng nôkố a Dak Lak cho tơdroăng ki kơ koan ai tơdjâk troh nếo rup xo 26 kơlêa loăng uâ (dâng 22 met kho#i) tơku\m a cheăm }ư\ San, tơring MDrak. Po rơdâ séa ngăn tơdroăng, khu ko\ng an châ hlo mâu loăng hiăng tro uâ kơtong. Kơxo# loăng kố châ mơnhên cho kếo a kơpong 824 la tá hâi mơnhên khu ngế ki kếo. Kố cho rôh ko ‘nhiê kong ki hên má môi, [ă tơdroăng ki ôh tá tơniăn, mê khu pơkuâ ngăn Đảng tơring MDrak hiăng pơcháu ăm Khu arak luât tơring pơkuâ, mơnhên kố cho rôh ki pro xôi vâ re\ng séa ngăn [ă pơkâ pơxâu tơleăng ukố umê.

Môi rôh ko kếo loăng a Kơpong 216, cheăm }ư\ K[ang, tơring Ea Súp

Pôa Hòa Quang Khiêm, Kăn hnê ngăn Vi [an tơring MDrak ăm ‘nâi, sap ing hơnăm nah troh nôkố, khu ki ai tơdjâk troh hiăng châ hlo lối 150 rôh pro xôi Luât rak ngăn [ă Pêt mơjiâng kong. Rơtế [ă tơdroăng ki ko ‘nhiê kong ki hên a kơpong 824, khu ko\ng an xuân hiăng châ hlo Trần Thế Tuyên, a cheăm }ư\ Kroah pơto 33 kơhôp loăng, [ă lối 30 met kho#i. Ki hên mâu rôh pro xôi kố pơrá xua kơ koan ko\ng an châ hlo [ă pơxâu phâk, tung pơla ai hên tơdroăng ki khu rak ngăn loăng pơlái kuăn kiâ kong tá hâi ai tu\m tơdroăng ki loi tơngah.

‘’Mơnhên kố cho rôh pro xôi ‘nâi nhên xiâm kố. Ki hên tơku\m a cheăm kơpong hngế hngo, kơpong ki achê [ă kong, ai kuăn pơlê lăm rêh ối hmâng vâ. Á tối cho khu ki rak ngăn loăng pơlái kuăn kiâ kong tá hâi ai tu\m tơdroăng ki châ loi tơngah vâ châ ‘nâi tơdroăng [ă pơxâu phâk tơdroăng. Tâng bu ai to khu rak ngăn loăng pơlái pêi cheăng akố mê mâu khu ngế ki ê hbrâ rơnáu ôh tá xâu, la tâng ai ko\ng an mê nếo kâi pơxâu phâk. Ki khât gá a tơring ngin, xuân ai khu rak ngăn loăng pơlái kuăn kiâ kong tá hâi kơhnâ rơkê. Kơvâ ko\ng an xuân dế tối tơbleăng ăm kăn hnê ngăn [ă kăn pơkuâ ngăn Đảng tơdroăng ki khu rak ngăn loăng pơlái a tơring, cheăm tơxup tơbriât tơnêi tơníu [ă kuăn pơlê [ă ko\ng ti [ă 19,5ha tơnêi’’.

Hên rôh kếo ko loăng, pơto chơ loăng ôh tá tro luât xua khu ko\ng an châ hlo, pơxâu phâk

Tơring tơkăng kong Ea Súp, kong pơlê Dak Lak xuân cho ‘’tíu ki xiâm’’ ‘na tơdroăng ki kuăn pơlê lăm rêh ối hmâng vâ, pro pá ăm hnoăng cheăng rak ngăn, pêt mơjiâng kong [ă rak ngăn tơnêi pêt kong. Tơdroăng ki hdi tơnêi kong hlo ôh tá tơniăn tung lâp lu, tung pơla ton hâi khế. Tiô pôa Nguyễn Đình Toản, kăn pho\ hnê ngăn Vi [an tơring Ea Súp, tung tơring ai dâng 1 rơpâu rơpo\ng, [ă lối 5 rơpâu ngế, klâ xoăng ai 5 kơpong kuăn pơlê dế rêh ối tung kong. Khu kố, hmâ ko ‘nhiê kong [ă hdi xo kong ki pêt loăng tiô túa ki ôh tá vâ bê tơmâng, hbrâ rơnáu tơtrâ khu ki ai tơdjâk troh. Maluâ, khu kăn pơkuâ, khu ki ai tơdjâk troh hiăng tối tơbleăng hên troăng hơlâ pơkâ tơleăng, la xuân ôh tá hlo tơ-[rê.

‘’Tơring hiăng tối tơbleăng hên troăng hơlâ vâ pơxâu phâk, tơleăng môi tiah mơjiâng khu ki lăm troh a kơpong hdroâng kuăn pơlê rêh ối hmâng vâ xua ing tơdroăng ki tối tơbleăng mơhnhôk, hnê hriâm pơlông thế la hdroâng kuăn ngo ôh tá hmâng. Má péa, cho mơjiâng mâu khu vâ tăng rup, troh tah, ‘nhiê mâu hơpăm ki pro ối. Malối ngin tơku\m pơkâ tơleăng mâu ngế ki pro xôi, tung hơnăm hiăng luâ ngin pơkâ tơleăng lối 100 rôh. Mâu ngế ki hmâ pêi cheăng ai khu tơru\m ki ai hên mơngế. Ngin pơkâ tơleăng 1 ngế dế ko ‘nhiê kong mê, dế hdi xo kong mê ai lối hr^ng ngế troh pro pá ăm ngin’’.

Môi rôh kếo ko loăng achê troăng kân 29, ối tung cheăm }ư\ Mlan, tơring Ea Súp

Sap ing hơnăm nah troh nôkố, kơvâ cheăng ki ai tơdjâk troh kong pơlê Dak Lak hiăng châ hlo vâ chê 1.360 rôh pro xôi Luât rak ngăn [ă Pêt mơjiâng kong, tung mê, ki hên cho pơto chơ, tê mơdró loăng ôh tá tro luât. Kơ koan ki ai tơdjâk troh hiăng pơkâ tơleăng vâ chê 1.200 rôh, pơxâu 23 rôh [ă 34 ngế, rup xo lối 1.900 met kho#i loăng rơtế lối hr^ng toăng rơxế, nâp liăn vâ chê 15 rơtal liăn.

Tung hên rôh tơdroăng ki châ hlo, pơxâu phâk hnoăng cheăng dêi khu rak ngăn loăng pơlái ôh tá tơdrăng, tung mê khu ki ai tơdjâk troh ko\ng an hiăng mơhno tối tơdroăng ki kơhnâ vâ tơplâ mơdât khu ngế ki pro xôi. Sap ing hơnăm nah troh nôkố, krê ko\ng an hiăng châ hlo vâ chê 200 rôh pro xôi, [ă 207 ngế ki pro xôi. Môi tiah 2 rôh chơ loăng [ă 5 toăng rơxế ô tô a tơring Ea Súp, khu ko\ng an hiăng rup xo vâ chê 200 to loăng, lối 4,6 met kho#i loăng kơhôp ôh tá ai hlá mơéa chêh mơnhên tro luât.

Kơ koan ki ai tơdjâk troh rup xo 26 kơhôp loăng uâ tơku\m a cheăm }ư\ San, tơring MDrak la tá hâi ‘nâi nhên ngế ki kếo

Séa ngăn Ko\ng ti Dak Bùng a thôn 2 cheăm Ea Lê, ko\ng an châ hlo lối 2 rơpâu kơlêa loăng, loăng uâ [ă tâi tâng lối 40 met kho#i [ă 36 to loăng [ă châ lối 18 met kho#i pơrá ôh tá ai hlá mơéa mơnhên tơtro luât.

Rơtế tung roh ki mê, khu ko\ng an châ hlo Nguyễn Quang Tiệp a cheăm Dliê Ya, tơring Krông Năng ‘măn kơtoâ 174 met kho#i loăng ôh tá tro luât a chiâk deăng. Tiô Đăi tă Phạm Minh Thắng, kăn pho\ pơkuâ Ko\ng an kong pơlê Dak Lak, pak^ng ki pro pá sap ing kuăn pơlê ki lăm rêh ối hmâng vâ, tơdroăng ki ko ‘nhiê kong, hdi xo tơnêi kong [ă pơto chơ loăng ôh tá tro luât ôh tá tơniăn môi tơdroăng cho xua ing khu ki pơkuâ tá hâi mơdêk tâi ivá, hnoăng cheăng dêi tơná.

‘’Tơdroăng kuăn pơlê lăm rêh ối hmâng vâ mot tung kong pơlê tá hâi châ pơkuâ ngăn kơtăng, tơdroăng ki rơhêng vâ tơnêi ối, tơnêi pêi kâ rế hên pro pá ăm hnoăng cheăng rak ngăn. Khu ki rak ngăn kong tá hâi mơdêk dêi hnoăng cheăng tung tơdroăng ki tí tăng ‘nâi ple\ng ăm khu râ kăn Đảng, khu kăn pơkuâ hnê mơhno mâu kơvâ cheăng ki ai tơdjâk troh pêi pro rak ngăn kong, hlo tơdroăng ki ôh tá vâ hmâng, ôh tá kơtăng tung hnoăng cheăng rak ngăn lơ kơtoâ pơkí ăm mâu ngế ki xôi.

Khu rak ngăn loăng pơlái ki ai tơdjâk troh châ pơcháu hnoăng cheăng cho pêi dêi hnoăng cheăng rak ngăn kong, ai khu ki pơkuâ rơkê lăm pơtrui ngăn a mâu tíu ki mot tung kong, mâu troăng ki pơto chơ loăng ki xiâm. Laga, mâu rôh pro xôi châ hlo, rup kroăng, malối cho mâu rôh pơxâu phâk tá hâi tơbleăng tro tơdroăng ki ai khât, tá hâi mơdât [ă pơkâ tơleăng troh xiâm kối [ă mâu ngế ki pro xôi luât ‘na rak ngăn kong’’.

          Quốc Học chêh

Katarina Nga tơplôu [ă tơbleăng