Pôa Trần Văn San, ối tôh 5, pơlê kân Kiến Đức, tơring Dak Rlâp cho ngế ki hiăng chêh đơn pơtroh ăm khu râ ai tơdjâk troh séa ngăn ‘na tơdroăng ki pôa athế rôe phon rơvât ai hên mâu kơdrêa [rik, gât, mâu xơmong, chhá.

Phon ki kố pôa rôe a khế 4 honăm 2017, ai inâi COMPOST TSN dêi Kong ti tơlo liăn cheăng [ă mơnhông cheăng kâ Tâm Sinh Nghĩa. Pôa Trần Văn San tối ăm ‘nâi, pôa hiăng châ ‘nâi tơdroăng mê drêng pôa hiăng rơvât tâi 66 kơxâk phon ăm kơphế:

‘’Tung mâu khế hơnăm hdrối mê hía nah, drêng tá hâi teăm khuih dêi tơnêi tung klôh kơphế ôh tá châ ‘nâi, to lâi khế kơ’nâi mê, mung mơngế khuih tah tung klôh mê nếo hlo tung klôh kơphế ai hên tơmeăm, tung mê ai tá ko\ng kếo, gât, [rik [ă chhá’’.

1,2 phon vi sinh ki ai hên mâu trếo ki ôh tá tơniăn ai inâi COMPOST TSN dêi Ko\ng ti tơlo liăn cheăng [ă mơnhông mơdêk Tâm Sinh Nghĩa.

{ă mâu tơdroăng ki tơviah tiah mê, pôa San rơtế [ă mâu kuăn pơlê xo dâng 1 kg phon vi sinh tung mâu kơxâk phon ki u ối ok tung kơthau dâ têa rơvât [ă têa, mê vâi hiăng châ hlo nhên. Tung mê, ai hên h^n gât ki hiăng tơhneăng, mâu ko\ng kếo, chhá ki tơvât tung phon ki kố tâk troh tơdế.

Pơtối mê, troh hâi lơ 18/5/2017, Khu ngăn ‘na chiâk deăng [ă mơnhông mơdêk pêi chiâk deăng Dak Nông tơru\m cheăng [ă Ko\ng ti tơlo liăn cheăng [ă mơnhông mơdêk cheăng kâ Tâm Sinh Nghĩa lăm troh a hngêi pôa San vâ mơnhên ngăn, xo mâu tơmeăm ki mê vâ mơnúa, [ă tơhrâ 10 hâi kơ’nâi mê kô tối tơbleăng ăm tơná kuăn pơlê.

Maluâ ti mê, troh nôkố hiăng luâ 1 khế xuân tá hâi ai tiâ mơnhên ki klâi, pro hên ngế ki pêt kơphế tô tuăn. Pôa Nguyễn Văn Bằng, kuăn pơlê a cheăm Kiến Thành, tơring Dak Rlâp tối ăm ‘nâi:

‘’Ki dâi le\m ôh tá ai, pro ‘mêi troh mâu hdrê loăng pêt, pêi cheăng ga tơbrêi hên tơdroăng, hên ivá, la loăng ôh tá châ hrik ki klâi ing mâu phon ki ôh tá dâi mê, ai plâi hrá thăm nếo pro loăng ôh tá dâi a mâu rơnó kơ’nâi ah.

Tơdroăng ki má péa nếo, hlo to mâu ko\ng kếo, pin pêi cheăng tung kơdrum xâu lơ tro hblâk mâu kơdrêa ko\ng kếo, xua ga ối tung tơnêi, prêi, phon tung tơnêi ai hên trếo ‘mêi kô tơ’lêi pro tâ tú pơreăng’’.

Pak^ng tơdroăng ki ôh tá tơniăn ‘na phon ki ai inâi COMPOST TSN dêi Ko\ng ti tơlo liăn cheăng [ă mơnhông cheăng Tâm Sinh Nghĩa ki nếo châ hlo a tơring Dak Rlâp, ối tung kong pơlê Dak Nông hiăng hlo ai hên túa phon ki ôh tá xê khât, phon ki ôh tá dâi, pro lu\p hên ăm kuăn pơlê.

Tiô khu ngăn ‘na pêi chiâk deăng [ă mơnhông mơdêk cheăng kâ-rêh ối thôn pơlê dêi kong pơlê Dak Nông, tung hơnăm 2016 [ă 3 khế apoăng hơnăm 2017 Khu pơkuâ ngăn hiăng xo 52 túa vâ lăm séa mơnhên ngăn ki dâi le\m lơ oh. Klêi kơ’nâi séa ngăn, hiăng ai 10 túa phon ki ôh tá dâi, vâ chê 20%.

Maluâ ti mê, klêi kơ’nâi hlo phon ôh tá xê khât, phon ki ôh tá dâi hiăng tro vâi tơpui tối, la xuân tá hâi ai khu pơkuâ cheăng ki lâi tối xo pôu râng dêi hnoăng cheăng tơná vâ tơleăng mơnhên, vâi hmâ tơpôu ăm mâu khu cheăng ki ai tơdjâk, tơpôu ăm tơdroăng ki kố ki mê.

Kố cho tơdroăng ki hlo ai păng ‘nâng hiăng tối tung mâu khế hơnăm hdrối mê hía nah la troh nôkố tá hâi châ ‘mâi rơnêu, hnoăng cheăng kipôu râng mê, xuân tá hâi ‘nâi cho ing peăng kơbố. Bu ai to kuăn pơlê ki pêi chiâk deăng tê ki tro che\n xua phon ki ôh tá xê khât, phon ki ôh tá dâi.

Hoàng Qui chêh

Nhat Lisa tơplôu [ă tơbleăng