VOV4.Sêdang - Hâi lơ 10/11, Ko\ng an kong pơlê Dak Nông hiăng tơku\m po mơdrếo 100 rơtuh liăn ăm nâ Lê Thị Thu Thảo, ối a thôn Nam Tiến, cheăm Nâm Nung, tơring Krông Nô, kơdrâi ngế ki hlâ tung roh tơhnâp tơnêi a long têa hngêi kơmăi on tơhrik Rào Trăng 3. Môi tiah VOV chêh tơbleăng, a kơxê lơ 20/11, Ko\ng an kong pơlê Dak Nông hiăng tơdah đơn tơbleăng dêi rơpo\ng nâ Lê Thị Thu Thảo, ối a thôn Nam Tiến, cheăm Nâm Nung, tơring Krông Nô (kơdrâi dêi ngoh Trần Văn Lộc cho ko\ng nhân trâm xía vâ a tíu tơnêi tơhnâp a long têa hngêi kơmăi on tơhrik Rào Trăng 3, kong pơlê Thừa Thiên Huế). 

Ko\ng an kong pơlê Dak Nông pơcháu 100 rơtuh liăn ăm nâ Lê Thị Thu Thảo

Nâ Lê Thị Thu Thảo hiăng tro mơngế ‘mêi lu lêa, xo 100 rơtuh liăn xua mâu ngế to\ng kum ăm rơpo\ng nâ. Klêi kơ’nâi ai tơdroăng kố, Ko\ng an kong pơlê Dak Nông hiăng hnê mơhno khu cheăng thâ séa ngăn, mơnhên tơdroăng. Hâi lơ 24/10, Ko\ng an kong pơlê Dak Nông hiăng rup ngế ki tong kâ liăn cho Nguyễn Văn Phúc, kot mâ hơnăm 1997, ối a tơring Duy Xuyên, kong pơlê Quảng Nam cho ngế ki hiăng tong kâ 100 rơtuh liăn dêi nâ Thảo.

Hâi lơ 10/11, teăng mâ ko\ng an kong pơlê Dak Nông hiăng troh hngêi nâ Thảo [a\ mơdrếo ăm a ko\ng kơxo# liăn 100 rơtuh liăn, tơdrêng amê mơhnhôk rơpo\ng nâ tơkâ hluâ pá puât, re\ng tơniăn tơdroăng rêh ối.

A Sa Ly tơplôu [a\ tơbleăng