VOV4.Sêdang – Klêi kơ’nâi lối 9 hơnăm tơpui tối vâ pêi pro laga ôh tá l^ng, nếo achê kố tơdroăng tơkêa pro mơjiâng pro hngêi kơmăi on tơhrik Drang Phốk, tiô tối hdrối vâ mơjiâng tung kơpong kơdrum kong tơnêi têa Yook Đôn, kong pơlê Dak pơtối pơxiâm pêi pro. Tơdroăng kố hiăng trâm hên khu ngế tơtrâ, kuăn pơlê tung kong pơlê, kăn pơkuâ kơdrum kong ilâng tơnêi têa Yook Đôn [a\ mâu ngế cheăng khoa ho\k.

Hơnăm 2011, Vi [an hnê ngăn kong pơlê Daklak hiăng ăm phêp Ko\ng ti tơlo liăn cheăng mơjiâng pro tơmeăm khoăng [ă xúa ko\ng nge# nếo – TECCO, pơlê kong kân Hồ Chí Minh chêh tơdroăng tơkêa bro mơjiâng hngêi kơmăi on tơhrik Drang Phôk a kơpong kong kơxo# 430, 431 [ă 451, ối tung kơpong ki gak ngăn kơtăng khât dêi Kơdrum ilâng Yok Đôn. Tiah mê, kô ai 63 ha kong ilâng kô tro kếo ‘nhê vâ mơjiâng hngêi kơmăi on tơhrik ai ivá 26MW, tiô tơdroăng ăm ‘nâi kô pơxiâm mơjiâng a mơ’nui hơnăm kố. Drêng tơdroăng kố nếo châ tối pơtâng, hiăng tro hên khu râ, kơvâ cheăng tơtrâ, ki hdrối tâ cho Khu pơkuâ ngăn kong ilâng Yok Đôn. Pôa Huỳnh Nghĩa Hiệp, Kăn pho\ pơkuâ ngăn kong ilâng tối ăm ‘nâi, kơpong ki vâ mơjiâng pro hngêi kơmăi on tơhrik cho kơpong tung dế; drêng ‘mot mơngế, rơxế, kơmăi kơmok mot pêi cheăng tung kơpong kố kô tơdjâk chiâng ‘mêi ó ‘nâng ăm hnoăng cheăng pơkuâ ngăn, rak vế kong. Kố cho tíu ki chiâng hên mâu hdrê loăng ki kơnía git, môi tiah: loăng kơdrâ, ka te, kâm lai, loăng rơnâng, [ă hên h^n mâu hdrê loăng kơnía ki ê, tung mê, xuân ai hên mâu kuăn kiâ ki hiăng châ chêh tối tung hlá mơ-éa khêi dêi Việt Nam [ă tung lâp plâi tơnêi môi tiah rui châu Á, klá treăng ki ‘ngré ‘ngró, klá khât, ro kong, mêm [ă hía hế. Pôa Hiệp tối: Tung kong ilâng kố bu ối to tung dế kố râ, tung kong kố ai hên mâu hdrê loăng, kuăn kiâ ki kơnía git. Ki má péa, tơmeăm khoăng, kuăn kiâ kong akố xuân hên, bu tơku\m ối tung dế kong kố tê. Kơpong ki châ gak ngăn kơtăng kố môi tiah tíu ki vâ ăm mâu hdrê loăng, hdrê kuăn kiâ chiâng xêh. Tâng nôkố, ai tơdroăng tơkêa vâ bro hngêi kơmăi on tơhrik tung kơpong kố, mê kô chiâng ai têa, pá ai xêo kong, ôh tá ai tíu ki vâ roăng rak mâu kuăn kiâ, hdrê loăng xếo, tơkéa vâ tối tơmeăm khoăng kơnía git kô hía lôi tâi.

Hngêi kơmăi on tơhrik Drang Phốk

Tơdrêng [ă tơdroăng pro tơ’nhê tơmeăm khoăng ki chiâng xêh tung kong ilâng Yok Đôn, pơtih tâng tơdroăng tơkêa bro hngêi kơmăi on tơhrik Drang Phôk kô chiâng pro păng ‘nâng, ga kô tơdjâk chiâng pá ăm tơdroăng rêh ối dêi kuăn pơlê ki ối tâ tá a kố. Ki malối, kuăn pơlê a cheăm Krông Na, tơring {uôn Đôn, xua hên kuăn pơlê akố rêh kâ ối kơnôm tơngah to têa kroăng Srêpok. Tơdroăng kâng kơdât têa mơjiâng hngêi kơmăi on tơhrik kô tơdjâk hên troh kơnho\ng têa ki vâ ôu hum, tơdroăng pêi chiâk klâng [ă mâu ká xi xo\ng; tơdroăng kố tơkéa vâ tối kơdât lôi têa ăm kuăn pơlê vâ xúa. Pôa Y Thông Khăm Niê Kdăm, Kăn hnê ngăn Vi [an cheăm Krông Na tối, ki păng ‘nâng hiăng hlo chiâng pá drêng mơjiâng pro hngêi kơmăi on tơhrik a kroăng Srêpok hiăng pro tơ’nhê hên tơdroăng ki pin tá ‘nâi hdrối: A têa kroăng kố hiăng ai 7 to hngêi kơmăi on tơhrik, tơdroăng ki kuăn pơlê tơmiât, tâng pro hngêi kơmăi on tơhrik pro pơxúa ăm tơnêi têa, kring vế tơdroăng pơxúa ăm kuăn pơlê, châ rak vế kong kế, loăng pơlái, rak vế mâu kuăn kiâ kong, mâu tơmeăm khoăng ki ai chiâng xêh mê athế pro, tâng ôh tá ai pơxúa mê athế lôi.

Ti xê to [ă mâu ngế ki rak ngăn kong ilâng Yok Đôn ki tô tuăn xâu lơ loăng pơlái, kong kế a kố troh tơ’nhê, mê mâu ngế hriăn cheăng ‘na khoa hok xuân hiăng hên hdroh tối tơbleăng kô chiâng pơloăng kân drêng mơjiâng hngêi kơmăi on tơhrik tung dế kong ilâng Yok Đôn. Tie#n sih Trần Thế Liên, Kăn rak vế ngăn loăng pơlái, kong kế tối ăm ‘nâi: Bu tơmiât châ xúa ing hngêi kơmăi on tơhrik a ngiâ la athế hơ’lêh [ă tơdroăng tơ’nhê kong ilâng ki hiăng châ hr^ng hơnăm cho tơdroăng ki ôh tá tro. Luâ tâ mê nếo, Daklak hiăng ai 24 to hngêi kơmăi on tơhrik ki kân, kuăn dế ‘no on, tơdroăng mơjiâng thăm tơ’nôm hngêi kơmăi on tơhrik Drang Phôk cho tơdroăng ki ôh tá eâ kal pro: Tung tối tơbleăng mơnhên ‘na tơnêi tíu akố, hmâ tâng khu ki ‘no liăn mơjiâng pro xuân môi tiah mâu khu ki hnê tối đi đo tối kô chiâng vâ tơvêh têa ăm tơná têa kroăng [ă ôh tá pro ‘mêi ki klâi troh kong kế tâ tá. La păng ‘nâng, tơdroăng ki tối tơvêh têa môi tiah têa kroăng ki ai hdrối mê ti la lâi ai. Xua ti mê, ngin ôh tá vâ ai tơdroăng mơjiâng pro hngêi kơmăi on tơhrik tung dế kong ilâng ki kal athế rak ngăn kố. Xua ga, dế nôkố tâi tâng mâu kong ilâng, kong hơpâng bu ối 2 rơtuh 200 rơpâu ha kong tê. Kố cho tíu ki roăng rak, vế ngăn xiâm rêi gen xuân môi tiah rak vế mâu loăng pơlái, kế kong ki kơnía git kal athế ai troăng hơlâ ‘no liăn ki vâ rak vế ngăn [ă thăm pêt păn tơ’nôm tơmeăm khoăng kong.

Hngêi kơmăi on tơhrik Drang Phốk

Kong ilâng Yok Đôn ai tâi tâng lối 115 rơpâu ha, lối 80 rơpâu 900 ha ối tung kong ki châ gak vế ngăn kơtăng khât, châ chêh tối ối tung kong ki kơnía git má môi tung tơdroăng rak vế ngăn tơxâng [ă tơdroăng ki kal dêi lâp plâi tơnêi ki kro ‘na kuăn kiâ, nhâ loăng, la dế vâ tro pro tơ’nhê ó tâng lơ mơjiâng pro hngêi kơmăi on tơhrik Drang Phôk. Xua ti mê, kong pơlê Daklak [ă mâu khu râ kal athế hbrâ kơchăng pôi tá ăm ai tơdroăng ki hơ’lêh chiâng ‘nhê kong kế, loăng nhâ, kuăn kiâ kong.

Nhat Lisa tơplôu [ă tơbleăng